Punonjësve të shëndetësisë, Basha: Mirënjohje të thellë kombëtare!
Shqipëria është në shtetrrethim për të parandaluar përhapjen e koronavirusit, por për ata që janë në vijën e parë të frontit në luftën kundër COVID-19, mjekët, infermierët dhe punonjësit e shëndetësisë kudo në Shqipëri dhe personelin e Spitalit Infektiv në Tiranë, Kryetari i Partisë Demokratike, Lulzim Basha, ka shprehur mirënjohje të thellë kombëtare:
“Jeni heronjtë tanë! Mendja dhe zemra e çdo shqiptari është me ju! Zoti ju dhëntë forcë dhe kurajo për ta përballuar këtë sfidë që kemi përpara! Në këto kohë ju nuk jeni vetëm prindër, bashkëshortë, bijë e bija, motra dhe vëllezër të familjarëve tuaj, por të të gjithëve ne bashkqytetarëve tuaj,” shprehet Lulzim Basha në mesazhin përmes rrjetit social Facebook duke përfunduar:
“Mirënjohje të thellë kombëtare për secilin prej jush! Askush nuk ju sheh çuditshëm, e gjithë Shqipëria ju sheh me admirim për punën dhe përkushtimin tuaj!”
Ndryshe, pas vendimit për masat ekstreme nga qeveria kundër përhapjes së koronavirusit, një mesazh senzivilues ka ardhë nga mjekët, infermieret dhe sanitarit nga Spitali Infektiv në Tiranë, ai i cili tashmë tashmë është kthyer në karantinë:
Mesazhi i Kryetarit të, PD, Lulzim Basha:
Të dashur mjekë, infermierë dhe punonjës të shëndetësisë kudo në Shqipëri dhe personeli i Spitalit Infektiv në Tiranë!
Jeni heronjtë tanë!
Mendja dhe zemra e çdo shqiptari është me ju! Zoti ju dhëntë forcë dhe kurajo për ta përballuar këtë sfidë që kemi përpara! Në këto kohë ju nuk jeni vetëm prindër, bashkëshortë, bijë e bija, motra dhe vëllezër të familjarëve tuaj, por të të gjithëve ne bashkqytetarëve tuaj.
Mirënjohje të thellë kombëtare për secilin prej jush! Askush nuk ju sheh çuditshëm, e gjithë Shqipëria ju sheh me admirim për punën dhe përkushtimin tuaj!
Zoti ju bekoftë ju dhe të afërmit tuaj!
Zoti e bekoftë Shqipërinë!
