Pushimet e fundvitit, ministrja e Arsimit: Shkolla rifillon më 11 Janar!

Ministria e Arsimit, Evis Kushi, sot bëri të ditur se pas pushimeve të fundvitit shkolla do të rifillojë në datën 11 janar.

“Për vitin e ardhshëm shkolla nuk do të filojë në datën 4 siç ishte parashikuar në urdhrin fillestar, por në bashkëpunim edhe me Komitetin e Ekspertëve është vendosur të jetë data 11 janar. Në varësi të dinamikës së pandemisë, mund të ketë edhe vendime të tjera, por për momentin është data 11. Gjatë ditëve në vazhdim ne do të ofrojmë edhe çdo udhëzim tjetër që është i nevojshëm për mbarëvajtjen e procesit mësimor,” tha Evis Kushi pas vizitës së Kryeministrit të Maqedonisë së Veriut, Zoran Zaev, në bashkinë e Pustecit.

Ndërkohë, në shkolla, duke filluar nga 1 Dhjetori, procesi mësimor vijon i alternuar. Ndërsa, studentët procesin mësimor e zhvillojnë online.