Pushohet çështja për Shullazin. Nga akuza lirohet edhe Beqja…

Gjykata ka pushuar çështjen për pastrimin e parave për të akuzuarit Emiljano Shullazi dhe Ylvi Beqjan, ku ky i fundit mban dhe statusin e bashkëpunëtorit të drejtësisë.

Gjithashtu është pushuar akuza për tre gjyqtarë për “Shpërdorim detyre”.

Ndërsa Prokuroria e Tiranës vijonte hetimet për Shullazin në lidhje me akuzën e pastrimit të parave dhe avokatët mbrojtës këmbëngulnin se nuk ekzistojnë prova konkrete në lidhje me akuzat e pretenduara, sot prokuroria ka kërkuar pushimin hetimeve.

Gjykata e Shkallës së Parë të Krimeve të Rënda ka dënuar Grupin Shullazi me 55 vite burg, vendim i cili u apelua.

Emiljano Shullazi u shpall fajtor për gjobëvënien ndaj biznesmenit Ylvi Beqja dhe Jani Zako: Emiljano Shullazi 14 vjet burg; Gilmando Dani 12 vjet burg; Endri Qyqa 10 vjet burg; Endri Zela 10 vjet burg; Blerim Shullazi 9 vjet burg; Por shpëtoi nga akuzat për shkatërrim të pronës me eksploziv për dy raste dhe kanosjes së dy profesorëve Mynyr Koni dhe Dhori Kule.