Pushteti i Vuçiçit akuzon 8 studentë për grusht shteti, barrikada në të gjitha qytetet kryesore të Serbisë
Pushteti i Presidentit serb Vuçiç raportoi sot në mëngjes se ka hequr të gjitha barrikadat e vendosura nëpër rrugët e Serbisë që u vendosën pas arrestimit të 16 sudentëve protestues, dhe akuzimit të 8 prej tyre për grushtet shteti në Serbi!
Por, mëngjesi i sotëm e gjen Serbinë ndryshe pas mosbindjes civile që filluan studentët serbë, të cilët nuk merren me numrin e bllokimeve në rrugë që ka hequr policia e Vuçiçit, por fton protestuesit që t’i ikin dhunës dhe të bllokojnë rrugën e radhës.
“Sot nuk është ditë pune. Pas 7 muajve po dalim në dritë. Liria nuk është luks, e nesër është pa para. Që në qetësi të pini kafen me komshiun deri sa është ende jeshilja,” thekson lëvizja “Studentët Në Bllokadë” duke udhëzuar të gjithë ata që përballen me dhunën policore të ikin dhe të vazhduojnë duke bllokuar rrugën e radhës.
Nemamo pojedince koji stoje iznad zajednice. Nismo sledbenici kulta ličnosti. Naše delovanje je kolektivno, promišljeno i odgovorno. Na ulici smo zbog ideje, a ne zbog lične koristi. Ovo nije ni mesto, ni vreme za isticanje pojedinaca, već za zajedništvo i solidarnost.
— Studenti_U_Blokadi (@studentblokade) December 31, 2024
“Derisa një pjesë kanë me vete guximin, të tjerët kanë shkopat e gomës. Do shohim se kush ka përgatitje më të mirë fizike.
Hajde edhe njëherë: Kur e sheh rrezikun në rrugë, mos u afro. Vetëm vazhdo tutje. Në rreth, në rreth – Unë dhe shoku im,” udhëzon lëvizja “Studentët Në Bllokadë” përmes rrjetit social X duke përfunduar:
“Mëngjesi, Kafja, Bllokada, e gjithë Serbia e dinë planin!
Ndryshe, mëngjesin e sotëm Ministria e Brendshme Serbe njoftoi se policia hoqi të gjitha barrikadat në Beograd gjatë natës.
Trafiku në kryeqytetin serb tani mund të rrjedhë normalisht, thoë Ministria duke pretenduar se policia veproi profesionalisht pasi disa persona janë ndaluar për sulm dhe fyerje të policisë dhe prishje të rendit publik.
Ndërkohë “Studentët Në Bllokadë” bënë thirrje për vazhdimin e mosbindjes civile dhe bllokimin e rrugëve kryesore në Beograd dhe pjesë të tjera të Serbisë si shenjë proteste kundër arrestimit të kolegëve të tyre.
Vendosja e barrikadave në rrugë filluan mbrëmë kur qytetarët bllokuan rrugë dhe kryqëzime në Beograd, Novi Sad, Uzhicë, Çaçak, Kragujevac, Zrenjanin, Smederevo, Suboticë, Rumë, Pançevë, Valevo, Gornji Milanovac dhe qytetet të tjera kryesore.
