Pushtimi i Rilindjes/ Taulant Balla nuk ndalet, PS merr edhe dy anëtar në KQZ
Pushtimi i atyre pak institucioneve që nuk janë në duart e Rilindjes po realizohet me një sjellje ta paprecedent nga kryetari i Grupit Parlamentar të Partisë Socialiste, Taulant Balla.
Në Komisionin e Ligjeve, ku tashmë është e qartë se opozita nuk ka arsye të jetë prezente, Taulant Balla hap një front të ri konfrontimi duke filluar, siç thotë Partia Socialiste, shqyrtimin e dy kandidaturave të propozuara po nga vetë kjo parti, për të plotësuar vendet vakante në Komisionin Qendor të Zgjedhjeve.
Në seancën dëgjimore, ishin të pranishëm dy kandidatët, Bledar Skenderi dhe Rezarta Bitri, por siç u pa qëllimi i Taulanti Ballës nuk ishte të dëgjohen kandidatët por të dëgjojë opozita. Dhe, lajmi ishte tronditës!
Sipas logjikës së mikut të trafikantëve, dy kandidatët synojnë të zëvendësojnë mandatet e dy anëtarëve të
opozitës, Hysen Osmanit dhe Vera Shtjefnit, të cilët janë në KQZ si propozim i Partisë Demokratike. Arsyetimin e Taulant Ballës do ta kishte zili edhe Enver Hoxha:
“Kur janë zgjedhur, Vera Shtjefni dhe Hysen Osmani në KQZ, kanë qenë propozim i shumicës dhe këto dy vende i takojnë shumicës aktuale që është PS.”
Pas këtij pushtimi të Komisionit Qendor të Zgjedhjeve nga Rilindja, opozita do të ketë vetëm dy përfaqësues, Klement Zgurin, që është dhe kryetari i KQZsë dhe Gëzim Veleshnjën e propozuar nga LS. Ndërsa Rilindja duke imarrë shumicën në KQZ, me Nënkryetar Denar Bibën, anëtare Edlira Jorgaqi dhe dy anëtarët, Bledar Skenderi dhe Rezarta Bitri, jep edhe mesazhin për zgjedhjet e radhës “të lira dhe të ndershme brenda tepsisë”.
Ndërkohë “fisnikëria” e Edi Ramës ka bërë që një vend ti lihet në dispozicion opozitës, meqë me balancat e krijuara 4:3 një rrogë edhe mund ta marrë një demokrat, por asgjë më shumë.
