Putin në Serbi/ Dy realitete, Vojvodina e pasur e refuzon, Veriu i varfër i Kosovës e konsideron “Vëlla”!

Vizita e Presidentit të Rusisë, Vladimir Putin përveç se një qoke për Presidentin e Serbisë, Aleksadar Vuçiç për shkak të shërbimit që ky i fundit i bënë shtetit rus dhe Putinit në veçanti, dëshmon edhe dy realitete që pasqyrohen në gjithë botën ku shkel këmba ruse.

Toka hungareze e pushtuar nga Serbia, Vojvodina, me mirëqenien më të lartë në të gjitha pushtetet duke filluar nga Mbretëria e Serbisë, i është nënshtruar shumë represalieve nga shteti serb, shërben edhe si tokë me gazsjellësin e famshëm rus që është blerë nga Industria e Naftës e Serbisë, por si çdo popull i pasur në botë, edhe hungarezët  sot e refuzojnë Presidentin e Rusisë.

Qytetet kryesore të Vojvodinës, Novi Sad, Zrenjanin, Kikindë, Petrovc, Vërbas, Beçej, Beçej i Ri e Kovaçicë në prag të vizitës së Putinit kanë vetëm një mesazh për Presidentin e Rusisë: “Putin, shko në shtëpi”!

Ndërkohë Veriu i Kosovës, aty ku serbët e izoluar janë manipuluar nga Rusia dhe Serbia dhe vazhdojnë të manipulohen, sot është gëdhirë me flamuj të Rusisë, fotografi të presidentit Putin, si dhe me mbishkrime në gjuhën ruse: “Ne jemi vëllezër, Zoti është me ne”.