Putin: Trump më dëgjon dhe dëshiron lidhje më të mira SHBA-Rusi

Presidenti i Rusisë, Vladimir Putin tha sot se presidenti amerikan, Donald Trump e ka dëgjuar atë dhe ka pasur gatishmëri për të përmirësuar marrëdhëniet SHBA-Rusi pavarësisht siç ka thënë ai situatës së komplikuar në politikën e brendshme në Shtetet e Bashkuara.

Putin, i cili ka qenë pjesë e një forumi në Soçi, i ka bërë këto komente kur është pyetur nëse pajtohet që Trump dëgjon vetëm veten, raporton RFE.

Putin ka thënë se ai mendon që presidenti amerikan dëshiron të stabilizojë marrëdhëniet e tensionuara në mes të Moskës dhe Washingtonit dhe se nuk është e vërtetë që Trumpi dëgjon vetëm veten.

“Ndoshta ai vepron ashtu me dikë tjetër, mirëpo në atë rast të tjerët duhet fajësuar. Unë kam dialog plotësisht normal dhe profesional dhe të dhe natyrisht se ai më dëgjon. E shoh se ai reagon në argumentet e mia,” tha Putin, raporton Reuters.

Lideri rus tha se është normale që ata të mos pajtohen për shumë gjëra, diçka që ai e ka konsideruar të zakonshme në diskutimet me liderë të huaj.