Putin: Vaksina ruse gati. Shkencëtarët: Veprim arrogant!

Paralajmërimi i djeshëm rus nga Presidenti Vladimir Putin për regjistrimin e vaksinës kundër koronavirusit pas më pak se dy muaj të studimeve klinike në njerëz, ndonëse ka eksituar liderë të shumtë botëror si dhe atë në Shqipëri, kjo ka alarmuar shkencëtarët e shëndetit publik, të cilët deklarojnë se është e vështirë për ti besuar një vaksine për të cilën nuk janë dhënë të gjitha detajet e studimeve.  

E vendosur të jetë e para në garën botërore për zhvillimin e vaksinës kundër pandemisë COVID-19, Rusisë i duhet të bëjë studimin klinik të përmasave të gjëra në popullsi, që do të rezultojnë me të dhëna nëse ka efekt ose jo, që për imunologët dhe ekspertët e sëmundjeve infektive, është një veprim arrogant.

“Rusia në fakt është duke zbatuar eksperimentin në shkallë të gjerë të popullsisë,” thotë specialisti për studimin e ilaçeve në Warwick Business School në Britaninë e Madhe, Ayfer Ali.

Efekte të shumta anësore

Ayfer Ali  mendon se miratimi kaq i shpejtë i vaksinës do të thotë se efektet anësore negative të vaksinës mund të mos zbulohen kurrë. E ato, edhe pse të rralla, mund të jenë të rënda, jep alarmin specialisti për studimin e ilaçeve në Warwick Business School.

Presidenti i Rusisë, Vladimir Putin, kur e bëri publik lajmin se vaksina është  gati dhe e ka zhvilluar Instituti Gamaleya në Moskë, për sigurinë e madhe të saj mendoj se do ta qetësoj opinionin shëndetësor dhe jo vetëm, se vaksina i është dhënë edhe njërës prej vajzave të tij.

Por eksperti i Institutit gjenetik pranë University College London, Francois Balloux, thotë se ky është një vendim mendjelehtë dhe i marrë.

“Vaksinimi masiv me vaksinë të patestuar është joetik,” thotë ai duke shtuar:

“Çfarëdo lloj problemi me programin e vaksinimit do të ishte fatal dhe me efekte negative për shëndetin, për arsye se kjo do të shtynte edhe pranimin e vaksinës në popullsi.”  

Dëmi shumë më i madh se sa problemet aktuale

Fjalët e ekspertit të njohur Francois Balloux i konfirmon edhe profesori i imunologjisë në Imperial College London, Danny Altmann, i cili thotë se dëmi i gjithmbarshëm i përdorimit të vaksinës për të cilën nuk dihet me siguri nëse është efikase, mund të shkaktoj rritjen e problemeve aktuale që kemi madje mund të jenë edhe probleme  të pakapërcyeshme.

Aktualisht, dhjetëra prodhues të ilaçeve në mbarë botën, që po zhvillojnë vaksinën, janë duke kryer studimin e vaksinave të mundshme në një numër të madh të popullsisë, e në çdo studim përfshihen dhjetëra mijëra vullnetarë.

Disa prej tyre, që kanë ecur shumë përpara, siç janë Moderne, Pfizera dhe Astra Zenece shpresojnë se deri në fund të vitit do të dihet nëse vaksinat e tyre janë të sigurta.

Të gjithë do të publikojnë rezultatet e studimeve dhe të dhënat e sigurisë së vaksinës  dhe do ti dorëzojnë pranë institucioneve kompetente si në SHBA ashtu dhe në Evropë, për tu verifikuar.

Ministria e Shëndetësisë e Rusisë këtë lloj miratimi e ka dhënë para se të kryhen studimet e tilla që në kushte normale janë faza e tretë e studimeve duke përfshirë mijëra vullnetar të testuar. Studime të këtij lloji konsiderohen si parakushte të domosdoshme për marrjen e miratimit për lëshuar në treg vaksinën.

Veprimi arrogant rus

Eksperti gjerman pranë Qendrës Klinike Universitare në Tübingen, Peter Kremsner, i cili po punon në studimin klinik të vaksinës së CureVac, thotë se veprimi rus është arrogant.

“Normalisht duhet testuar tek një numër i madh njerëzish para se të miratohet vaksina. Nëse nuk është testuar tek një numër i madh njerëzish, atëherë ky është veprim arrogant.”

Ekspertët theksojnë gjithashtu se mungesa e publikimit të dhënave për vaksinën ruse duke përfshirë këtu se si është bërë ashtu si dhe detajet e sigurisë, përgjigjes imune dhe nëse mund të parandaloj infeksionin COVID-19, lë në terr shkencëtarët, pushtetin shëndetësor si dhe opinionin publik.

“Është e pamundur të dihet nëse është efikase vaksina ruse pa prezantimin e të dhënave shëndetësore të analizave,” thotë eksperti për epidemiologjinë e sëmundjeve infektive në Universitetin britanik Nottingham, Keith Neal.

Ministri i Shëndetësisë i Rusisë, Mihail Murashko i ka hedhur poshtë akuzat e ekspertëve perëndimorë se vaksina kundër koronavirusit është e pasigurt duke i quajtur si të pabza dhe produkt i konkurrencës, raporton Agjencia ruse e lajmeve Interfax.

Ndryshe, Presidenti i Rusisë, Vladimir Putin, bëri të ditur se vaksina për luftimin e koronavirusit është regjistruar në Rusi dhe është e gatshme për përdorim. Për të bindur opinionin publik tha se njëra nga vajzat e tij ishte vaksinuar.

“Njëra nga vajzat e mia e ka marrë vaksinën. Në këtë kuptim ka marrë pjesë në eksperiment. Pas vaksinimit të parë kishte temperaturën 38, të nesërmen 37 dhe kjo ishte e gjitha,” tha Vladimir Putin me gjuhën e Stalinit para ministrave të qeverisë ruse që deri në ato çaste nuk e kishin idenë se ka vaksinë, aq më pak se ajo mund të jetë regjistruar në organet kompetente ruse. OBSH si gjithmonë reagon e fundit, kur krimi të merr dhenë!