Pyetja që acaroi Ramën/ A ka PS emra që nuk kanë lidhje me drogën për ministër të Brendshëm? Ja përgjigjia…

Kryeministri Edi Rama i pyetur mbrëmjen e sotme nëse Partia Socialiste nuk ka njerëz që mund t’i emërojë në postin e ministrit të Brendshëm që s’kanë probleme me drogën, theksoi se nëse merren për bazë akuzat politike që bëhen atëherë vështirë se mund të gjesh njeri në faqen e dheut.

“Edhe në Kishë njerëzit shkojnë si vdektarë dhe mëkatarë dhe nuk shkojnë si ëngjëj. E rëndësishme është si reagon ndaj akuzave. Ka akuza që bëhen nga drejtësia, ndaj të cilave ka një reagim, si në rastin e Tahirit jo për ta fajësuar, por duke ia njohur drejtësisë të drejtën për të bërë drejtësi dhe ka akuza politike që bëhen, si në rastin tim, që po të merren të vërteta unë s’duhet të isha në faqen e dhehut”, tha Rama.

Duke iu rikthyer episodit me gazetaren Ambrozia Meta, Kryeministri theksoi se nuk ka pse të kërkojë falje, ndërsa përdori të njëjtën gjuhë duke thënë “ajo vajzë e vogël, ndoshta aq di dhe aq bën dhe unë e di që përpara një burri dy metrash dhe një vajze të vogël, nuk pretendoj t’i jepet e drejta burrit, pavarësisht se në anën e kujt është ajo”.