PZAP: Nisma ka të drejtë; kërkohet rinumërimi i mbi 1.400 vendvotimeve

Paneli Zgjedhor për Ankesa dhe Parashtresa, PZAP, ka vendosur për të gjitha ankesat e paraqitura nga subjektet politike dhe kandidatët për deputetë të cilët janë paraqitur pas shpalljes së rezultateve përfundimtare të zgjedhjeve nga Komisioni Qendror i Zgjedhjeve, KQZ.

Paneli lidhur me ankesat ka vendosur:

PZAP ka pranuar 53 ankesa, ku 52 ankesa prej tyre paneli ka vendosur që të urdhërojë KQZ-në për rinumërimin e 1.472 vendvotimeve.

Ndërsa lidhur me ankesën e parashtruar nga Koalicioni Nisma-AKR-PD, ka vendosur që të pranojë të bazuar ankesën dhe ka urdhëruar KQZ-në, që të largojë nga rezultati përfundimtar i zgjedhjeve votat e votuesve jashtë Kosovës të ardhura nga Serbia.

23 ankesa janë hedhur te pasafatshme dhe të palejuara.

25 ankesa janë refuzuar të pabazuara.

1 ankesë konstatohet e tërhequr.