Qartëson llumin opozitar, Rama: Ne s’votojmë me ju, nëse ju s’votoni së bashku me ne!
Pas delirit të llumit opozitar mbi rëndësinë që i dhanë votës së tyre në miratimin e Marrëveshjes së 5 Qershorit për Reformën Zgjedhore, dhe pas mesazhit që mori nga Bundestagu, Kryeministri Edi Rama sot nga foltorja e parlamentit i bëri të qartë këtij llumi se ish liderja e tyre Rudina Hajdari e kishte firmosur Marrëveshjen ndërsa ai aktual, Myslim Murrizi, nuk mund t’i merr të gjitha, dhe i tha qartë se është e pamundur që mazhoranca “të votojë së bashku me ju, nëse ju nuk votoni së bashku me ne” dhe se Marrëveshja e 5 Qershorit nuk preket.
“Ju dëgjova, do më lejoni të jap një mesazh shumë të qartë, të gjithëve ju, duke filluar nga i palodhuri Murrizi e deri tek deputeti i fundit jo për nga rëndësia i opozitës parlamentare
Nuk mund t’i merrni të gjitha, nuk mund ti kërkoni të gjitha dhe të gjithë duhet të bëjmë lëshimet tona, po ua them sot që të jemi shumë të qartë është e pamundur që ne të votojmë së bashku me ju, nëse ju nuk votoni së bashku me ne dhe për ne marrëveshja e 5 qershorit nuk preket, në asnjë pikë të saj,” tha Edi Rama duke e ripërsëritur se kjo Marrëveshje nuk i pëlqen dhe ka një problem të madh që nuk ka arritur të adresojnë rekomandimin e OSBE ODIHR që është i përsëritur në të gjitha raportet, depolitizimi i administratës zgjedhore.
“Ju e dini shumë mirë që kemi qenë vijimësisht këmbëngulës e kemi thënë që do e bëjmë këtë do apo jo PD, por ajo që e dallon sistemin demokratik dhe bashkëjetesën pluraliste nga një sistem kur vendos në parti është që duhet edhe të tërhiqesh, të bësh kompromise të pranosh cfarë nuk të pëlqen për hir të një interesi më të madh.
Zonja Hajdari ka firmosur dhe e di shumë mirë, se Damiani nuk është i besueshëm për ju, që deri në fund marrëveshja është penguar nga mosdakordësia për këtë pikë, e pasi topi shkoi në fushën e Bashës, u kthye në një kusht që mund ta kishte hedhur ne erë marrëveshjen.
Ka thënë që gjithçka që ka luftuar ishte teater, e nuk kuptohet pse iku nga Kuvendi nëse gjërat kanë qenë në rregull,” tha Kryeministri Edi Rama duke përfunduar:
“Basha pretendon se ne e pranuam se na i futën këmbët në një këpucë, unë vërtetë këpucën e djathtë e kam 46 por këmbën e majtë nuk ma nxë, kështu që e vërteta është që ne bëmë një lëshim shumë të madh, sepse kjo ishte rruga më e mirë për ta përfshirë PD në procesin politik.”
