Që nga qiraja deri të shpërblimet, ja llojet e pagesave për të cilat do mbahet tatimi në burim
Ndryshimet në ligjin e ri të “Tatimit mbi të Ardhurat” sollën ndryshime në deklaratën e Tatimit në Burim.
Në ndryshimet për Udhëzimin e Ministrisë së Financave “Për disa shtesa dhe ndryshime në udhëzimin e përgjithshëm nr. 26, datë 8.9.2023, “Për tatimin mbi të ardhurat” është botuar edhe Udhëzuesi i plotësimit të formularit të deklarimit dhe pagesës së tatimit të mbajtur në burim dhe të ardhurat e tjera dhe llojet e pagesave për të cilat mbahet tatimi në burim.
Në pjesën e parë të formularit përfshihen të dhënat identifikuese të subjektit apo individit të cilit i mbahet tatimi. Në udhëzues përcaktohen llojet e pagesave për një tatimpagues rezident në Shqipëri ose jorezident por që ka seli të përhershme në Shqipëri, për të cilat mbahet tatimi në burim.
Afati i deklarimit dhe pagesës për tatimin në burim është data 20 e muajit pasardhës.
Më herët, Drejtoria e Përgjithshme e Tatimeve njoftoi se deklarata e tatimit të mbajtur në burim do të ndahet në dy seksione, si: për tatimpagues rezident ose jorezident me seli të përhershme në Republikën e Shqipërisë dhe tatimpagues person fizik/entitet jorezident në Republikën e Shqipërisë.
Norma e mbajtjes së tatimit në burim mbi dividendët është 8%. Norma e tatimit të mbajtur në burim mbi të ardhurat dhe pagesat sipas nenit 58 të këtij ligjit “Për tatimin mbi të ardhurat” është 15%.
UDHËZUES I PLOTËSIMIT TË FORMULARIT TË DEKLARIMIT DHE PAGESËS SË TATIMIT TË MBAJTUR NË BURIM DHE TË ARDHURAT E TJERA
1. Numri serial – gjenerohet nga Drejtoria Rajonale e Tatimeve dhe shërben për të azhurnuar regjistrimet kur paraqitet deklarata.
2. Periudha tatimore – është periudha për të cilën krijohet deklarata dhe në afat kohor është mujore.
3. Numri i identifikues i personit të tatueshëm NIPT është numri identifikues i dhënë nga QKB-ja/ administrata tatimore, i cili identifikon personin e tatueshëm në të gjitha marrëdhëniet që mund të ketë me Drejtorinë Rajonale të Tatimeve.
4. Emri i personit të tatueshëm – është emri me të cilin paraqitet veprimtaria i cili shënohet në çertifikatën e NIPT-it.
5. Emri mbiemri i personit fizik – emri dhe mbiemri i personit fizik.
6. Adresa: qyteti/bashkia/rrethi – është adresa kryesore ku tatimpaguesi ushtron aktivitetin e tij
7. Numri i telefonit (n.q.s. ka) – tregon numrin e telefonit në vendin kryesor ku tatimpaguesi ushtron aktivitetin e tij. Në tabelën e deklaratës dhe pagesës së tatimit në burim, tatimpaguesi qoftë individë apo entitet duhet të plotësoj në mënyrë analitike të dhënat si më poshtë: Nr. ID personale (individ) – është numri personal identifikues i individit përfitues të së ardhurës; Emër mbiemër – është emir dhe mbiemri i përfituesit të së ardhurës; Shteti i rezidencës tatimore – plotësohet rezidenca tatimore për përfituesin e së ardhurës; NIPT numri unik identifikues për entitetin/personin fizik përfitues të së ardhurës; Emri i entitetit – është emri tregtar i entitetit përfitues i së ardhurës; Shteti i rezidencës tatimore – plotësohet rezidenca
tatimore është shteti i rezidencës tatimore të entitetit, përfituesit të të ardhurave; Data e pagesës së të ardhurave – nënkupton datën në të cilën kryhet pagesa për kategorinë përkatëse të së ardhurës; Të ardhurat bruto të tatueshme në burim – është shuma totale e ardhurës/ardhurave për të cilën mbahet tatimi në burim; Tatimi i llogaritur në burim – është shuma e tatimit të mbajtur në burim.
8. Llojet e pagesave për të cilat mbahet tatimi në burim
1.1 Pagesa për një tatimpagues rezident në Shqipëri ose jorezident por që ka seli të përhershme në Shqipëri
Rubrika 8 Dividendi apo ndarjet e fitimit – plotësohet në mënyrë analitike për çdo pagesë për dividendët që i kryhen aksionerit/ve, apo për ndarjet e fitimit që i kryhen ortakut rezident në Shqipëri ose jorezident por që ka seli të përhershme në Shqipëri pas miratimit të rezultatit financiar dhe miratimit të destinimit të fitimit
Rubrika 9 Tatimi në burim – është tatimi i llogaritur/mbajtur në burim për çdo pagesë për dividendët që i kryhen aksionerit/ve, si dhe për ndarjet e fitimit.
Rubrika 10 Pagesat për interesat bankare dhe institucione të tjera financiare – plotësohet për totalin e interesave bankare dhe institucione të tjera financiare që paguhen gjatë muajit për të cilin deklarohet.
Rubrika 11 Tatimi në burim – është tatim i llogaritur/mbajtur në burim për totalin e interesave bankare dhe institucione të tjera financiare, të cilat paguhen gjatë muajit.
Rubrika 12 Pagesat për interesat e tjera – plotësohet në mënyrë analitike për çdo pagesë të interesave të tjera, të cilat nuk përfshihen tek rubrika 10 që paguhen gjatë muajit.
Rubrika 13 Tatimi në burim – është tatim i llogaritur/mbajtur në burim për totalin e interesave të tjera të rubrikës 12 të cilat paguhen gjatë muajit.
Rubrika 14 Pagesa honorare – janë pagesa që lindin nga përdorimi apo e drejta e një aktivi jomaterial. Patentë, licencë, shpikje, markë tregtare, dizajn ose model, plan, formulë ose proces sekret, ose pronë apo të drejtë tjetër të ngjashme, çdo imazh ose tingull vizual ose të dyja të transmetuara me satelit, kabllo, fibër optike ose teknologji të ngjashme në lidhje me transmetimin televiziv, radio ose në internet, të drejtën për të përdorur informacione në lidhje me përvojën industriale, tregtare ose shkencore. Kjo rubrikë plotësohet në mënyrë analitike për çdo pagesë që lind nga përdorimi apo e drejta e një aktivi jomaterial.
Rubrika 15 Tatimi në burim – është tatim i llogaritur/mbajtur në burim për totalin e honorarëve (pagesë që lind nga përdorimi apo e drejta e një aktivi jomaterial), të cilat paguhen gjatë muajit.
Rubrika 16 Pagesa fituesish në lojërat e fatit – janë të ardhurat e fituara nga kategoritë e lojërave të fatit dhe kazinotë sipas legjislacionin në fuqi për lojërat e fatit. Kjo rubrikë plotësohet në mënyrë analitike për çdo pagesë të përfituar nga lojërat e fatit dhe kazinotë.
Rubrika 17 Tatimi në burim – është tatim i llogaritur/mbajtur në burim për çdo pagesë të përfituar nga lojërat e fatit dhe kazinotë, të cilat paguhen gjatë muajit.
Rubrika 18 Pagesa qiraje ndaj individëve – plotësohet nga tatimpagues person fizik/entitet/ seli e përhershme për çdo pagesë të kryer vetëm kur qiradhënësi, përfitues i së ardhurës, është individ
Rubrika 19 Tatimi në burim – është tatim i llogaritur/mbajtur në burim për çdo pagesë të kryer nga qiramarrësi vetëm nëse qiradhënësi përfitues i së ardhurës, është individ.
Rubrika 20 Pagesa për pjesëmarrje në bordet drejtuese dhe këshillat ose trupa drejtues të tjerë – plotësohet në mënyrë analitike për çdo pagesë që lind për çdo pagesë në formë shpërblimi për drejtorët, anëtarët e bordit të drejtorëve ose organi ligjor i një shoqërie, si dhe shpërblimet e menaxhimit dhe pjesëmarrjes në këshilla drejtues, nga persona të cilët nuk janë në marrëdhënie punësimi me entitetin pagues.
Rubrika 21 Tatimi në burim – është tatim i llogaritur/mbajtur në burim për çdo pagesë në formë shpërblimi për drejtorët, anëtarët e bordit të drejtorëve ose organi ligjor i një shoqërie, si dhe shpërblimet e menaxhimit dhe pjesëmarrjes në këshilla drejtues.
Rubrika 22 Fitimet kapitale nga skemat e sigurimit të jetës dhe/ose pensionit privat – plotësohet në mënyrë analitike për çdo pagesë që lind nga fitimet kapitale nga skemat e sigurimit të jetës dhe/ose pensionit privat
Rubrika 23 Tatimi në burim – është tatim i llogaritur/mbajtur në burim për çdo pagesë të kryer për fitimet kapitale nga skemat e sigurimit të jetës dhe/ose pensionit privat të cilat paguhen gjatë muajit.
Rubrika 24 Pagesa për performancën e aktoreve, muzikanteve ose sportisteve përshirë pagesat ndaj personave që punësojnë artiste ose sportiste ose veprojnë si ndërmjetës në organizimin e shfaqjeve apo performancave – plotësohet në mënyrë analitike për çdo pagesë që kryhet, për shfaqjet e aktorëve, të muzikantëve ose sportistëve etj.
Rubrika 25 Tatimi në burim – është tatimi i llogaritur/mbajtur në burim për çdo pagesë të kryer për performancën e aktoreve, muzikanteve ose sportisteve etj., përshirë pagesat ndaj personave që punësojnë artiste ose sportiste ose veprojnë si ndërmjetës në organizimin e shfaqjeve apo performancave, të cilat paguhen gjatë muajit.
Rubrika 26 Pagesa të tjera për të cilat mbahet tatimi në burim – plotësohet në mënyrë analitike për pagesa të cilat nuk janë të listuara në rubrikat: 8, 10, 12, 14, 16, 18, 20, 22, 24, 28, 30, 32, 34, 36, 38.
Rubrika 27 Tatimi në burim – është tatimi i llogaritur/mbajtur në burim për çdo pagesë përveç atyre të përfshira në rubrikat: 9, 11, 13, 15, 17, 19, 21, 23, 25, 29, 31, 33, 35, 37, 39.
Rubrika 28 Pagesa me karakter jo të përhershëm – plotësohet në mënyrë analitike për çdo pagesë me karakter jo të përhershëm për shërbime teknike, mësimdhënie, kurse, trajnime.
Rubrika 29 Tatimi në burim – është tatimi i llogaritur/mbajtur në burim për çdo pagesë të kryer e cila nuk ka karakter të përhershëm si shërbime teknike, mësimdhënie, kurse, trajnime, të cilat paguhen gjatë muajit.
Rubrika 30 Pagesat me një shumë të vetme nga punëdhënësi në rastet e ristrukturimeve, largimeve nga puna apo vendimet e gjykatës – plotësohet në mënyrë analitike për çdo pagesë që kryhet, për pagesat në një shumë të vetme nga punëdhënësi në rastet e ristrukturimeve, largimeve nga puna apo vendimet e gjykatës.
Rubrika 31 Tatimi në burim – është tatimi i llogaritur/mbajtur në burim për çdo pagesë të që kryhet në një shumë të vetme nga punëdhënësi në rastet e ristrukturimeve, largimeve nga puna apo vendimet e gjykatës, të cilat paguhen gjatë muajit.
Rubrika 32 Pagesa për pronësinë intelektuale dhe të drejtat e autorit – plotësohet në mënyrë analitike për çdo pagesë në lidhje me të drejtat e autorit dhe pronësinë intelektuale.
Rubrika 33 Tatimi në burim – është tatimi i llogaritur/mbajtur në burim për çdo pagesë të kryer për pronësinë intelektuale dhe të drejtat e autorit, të cilat paguhen gjatë muajit.
Rubrika 34 Fitime kapitale nga kalimi i së drejtës së pasurisë së paluajtshme nëpërmjet shitjes – plotësohet në mënyrë analitike nga ASHK-ja për shumën e fitimeve kapitale që rezultojnë nga kalimi i së drejtës së pasurive të paluajtshme nëpërmjet shitjes.
Rubrika 35 Tatimi në burim – është tatimi i llogaritur/paguar i fitimeve kapitale përpara kalimit të së drejtës së pasurisë së paluajtshme nëpërmjet shitjes, gjatë muajit.
Rubrika 36 Fitime kapitale nga kalimi i së drejtës së pasurisë së paluajtshme nëpërmjet trashëgimisë Plotësohet në mënyrë analitike nga ASHK-ja për shumën e fitimeve kapitale që rezultojnë nga kalimi i së drejtës së pasurive të paluajtshme nëpërmjet trashëgimisë.
Rubrika 37 Tatimi në burim – është tatimi i llogaritur/paguar i fitimeve kapitale përpara kalimit të së drejtës së pasurisë së paluajtshme nëpërmjet trashëgimisë, gjatë muajit.
Rubrika 38 Fitime kapitale nga kalimi i së drejtës së pasurisë së paluajtshme nëpërmjet dhurimit Plotësohet në mënyrë analitike nga ASHK-ja për shumën e fitimeve kapitale që rezultojnë nga kalimi i së drejtës së pasurive të paluajtshme nëpërmjet dhurimit.
Rubrika 39 Tatimi në burim – është tatimi i llogaritur/paguar i fitimeve kapitale përpara kalimit të së drejtës së pasurisë së paluajtshme nëpërmjet dhurimit, gjatë muajit. 1.2 Pagesa për një person fizik jorezident apo entitet jorezident në Shqipëri Pagesat e mëposhtme janë subjekt i mbajtjes përfundimtare të tatimit në burim kur paguhen nga një tatimpagues rezident apo një seli e përhershme në Republikën e Shqipërisë për një person fizik jorezident ose një entitet jorezident pa një seli të përhershme në Republikën e Shqipërisë.
Rubrika 40 Dividendi apo ndarjet e fitimit – plotësohet në mënyrë analitike për çdo pagesë për dividendët, ndarjet e fitimit që i kryhen personit fizik dhe entiteteve jorezident në Shqipëri.
Rubrika 41 Tatimi në burim – është tatimi i llogaritur/mbajtur në burim për çdo pagesë për dividendët apo ndarjet e fitimit që i kryhen personit fizik dhe entiteteve jorezidente në Republikën e Shqipërisë.
Rubrika 42 Pagesat për interesat bankare dhe institucione të tjera financiare – plotësohet në mënyrë analitike për totalin e interesave bankare dhe institucione të tjera financiare që paguhen për personin fizik dhe entitetet jorezidente në Republikën e Shqipërisë, gjatë muajit për të cilin deklarohet.
Rubrika 43 Tatimi në burim – është tatim i llogaritur/mbajtur në burim për totalin e interesave bankare dhe institucione të tjera financiare të përfituara nga personi fizik dhe entitetet jorezidente, të cilat paguhen gjatë muajit.
Rubrika 44 Pagesa interesa të tjera – plotësohet në mënyrë analitike për çdo pagesë të interesave të tjera të cilat nuk përfshihen në rubrikën 42, që përfitohen nga personat fizik dhe entitetet jorezident në Republikën e Shqipërisë.
Rubrika 45 Tatimi në burim – është tatim i llogaritur/mbajtur në burim për totalin e interesave të tjera të rubrikës 44 të cilat paguhen gjatë muajit.
Rubrika 46 Pagesa honorare – janë pagesa që lindin nga përdorimi apo e drejta e një aktivi jomaterial. Patentë, licencë, shpikje, markë tregtare, dizajn ose model, plan, formulë ose proces sekret, ose pronë apo të drejtë tjetër të ngjashme, çdo imazh ose tingull vizual ose të dyja të transmetuara me satelit, kabllo, fibër optike ose teknologji të ngjashme në lidhje me transmetimin televiziv, radio ose në internet, të drejtën për të përdorur informacione në lidhje me përvojën industriale, tregtare ose shkencore. Kjo rubrikë plotësohet në mënyrë analitike për çdo pagesë që lind nga përdorimi apo e drejta e një
aktivi jomaterial, të përfituar nga personi fizik apo entitet jorezident në Republikën e Shqipërisë.
Rubrika 47 Tatimi në burim – është tatim i llogaritur/mbajtur në burim për totalin e honorarëve (pagesë që lind nga përdorimi apo e drejta e një aktivi jomaterial) të përfituara nga personi fizik apo entitet jorezident në Republikën e Shqipërisë, të cilat paguhen gjatë muajit.
Rubrika 48 Pagesa fituesish në lojërat e fatit – janë të ardhurat e fituara nga kategoritë e lojërave të fatit dhe kazinotë sipas legjislacionin në fuqi për lojërat e fatit nga tatimpagues jorezident në Republikën e Shqipërisë. Kjo rubrikë plotësohet në mënyrë analitike për çdo pagesë të përfituar nga lojërat e fatit dhe kazinotë.
49 Tatimi në burim – është tatim i llogaritur/mbajtur në burim për çdo pagesë të përfituar nga lojërat e fatit dhe kazinotë nga tatimpagues jorezident në Republikën e Shqipërisë, të cilat paguhen gjatë muajit.
Rubrika 50 Pagesa qiraje ndaj individëve plotësohet në mënyrë analitike për çdo pagesë për qiramarrjen vetëm në rast se qiradhënësi, përfitues i së ardhurës, është individ jorezident në Republikën e Shqipërisë.
Rubrika 51 Tatimi në burim – është tatimi i llogaritur/mbajtur në burim për çdo pagesë për qiramarrjen vetëm kur qiradhënësi, përfitues i së ardhurës, është individ jorezident në Republikën e Shqipërisë.
Rubrika 52 Pagesa për pjesëmarrje në bordet drejtuese dhe këshillat ose trupa drejtues të tjerë – plotësohet në mënyrë analitike për çdo pagesë që lind për çdo pagesë në formë shpërblimi për drejtorët, anëtarët e bordit të drejtorëve ose organi ligjor i një shoqërie, si dhe shpërblimet e menaxhimit dhe pjesëmarrjes në këshilla drejtues, nga persona jorezident, të cilët nuk janë në marrëdhënie punësimi me entitetin pagues.
Rubrika 53 Tatimi në burim – është tatim i llogaritur/mbajtur në burim për çdo pagesë të përfituar nga individ jorezidentë në formë shpërblimi për drejtorët, anëtarët e bordit të drejtorëve ose organi ligjor i një shoqërie, si dhe shpërblimet e menaxhimit dhe pjesëmarrjes në këshilla drejtues, të cilat paguhen gjatë muajit.
Rubrika 54 Pagesa për shërbime teknike – janë pagesat për furnizimin e jomallrave përkundrejt një pagese qoftë në mënyrë periodike apo në një shumë të vetme, përfshirë tarifat për shërbime teknike dhe tarifat e shërbimeve të automatizuara digjitale të përfituara nga persona fizik apo entitete jorezident në Republikën e Shqipërisë. Kjo rubrikë plotësohet në mënyrë analitike për çdo pagesë që lind nga shërbimet teknike.
Rubrika 55 Tatimi në burim – është tatim i llogaritur/mbajtur në burim për çdo pagesë të përfituar nga personi fizik apo entitet jorezidentë në Republikën e Shqipërisë nga ofrimi i shërbimeve teknike.
Rubrika 56 Fitimet kapitale nga skemat e sigurimit të jetës dhe/ose pensionit privat – plotësohet në mënyrë analitike për çdo pagesë që lind nga fitimet kapitale nga skemat e sigurimit të jetës dhe/ose pensionit privat të përfituara nga personat fizikë apo entitetet jorezidente në Republikën e Shqipërisë.
Rubrika 57 Tatimi në burim – është tatim i llogaritur/mbajtur në burim për çdo pagesë të kryer për fitimet kapitale nga skemat e sigurimit të jetës dhe/ose pensionit privat, të përfituar nga personi fizik apo entitet jorezidentë në Republikën e Shqipërisë, të cilat paguhen gjatë muajit.
Rubrika 58 Pagesa për ndërtime, instalime, montime ose punë mbikëqyrëse të lidhura me to – plotësohet në mënyrë analitike për çdo pagesë që kryhen për ndërtimin, instalimin, montimin ose për punë mbikëqyrëse që lidhen me to, përfituar nga personi fizik apo entitet jorezidentë në Republikën e Shqipërisë.
Rubrika 59 Tatimi në burim – është tatimi i llogaritur/mbajtur për çdo pagesë që kryhen personi fizik apo entitet jorezidentë në Republikën e Shqipërisë për ndërtimin, instalimin, montimin ose për punë mbikëqyrëse që lidhen me to.
Rubrika 60 Pagesa për performancen e aktorëve, muzikantëve ose sportistëve përshirë pagesat ndaj personave që punësojnë artistë ose sportistë ose veprojnë si ndërmjetës në organizimin e shfaqjeve apo performancave – plotësohet në mënyrë analitike për çdo pagesë që kryhet personave jorezidentë për shfaqjet e aktorëve, të muzikantëve ose sportistëve etj. përfshirë pagesa të tilla që u bëhen personave jorezidentë, të cilët punësojnë artistë ose sportistë apo ndërmjetësojnë për shfaqjet e tyre.
Rubrika 61 Tatimi në burim – është tatimi i llogaritur/mbajtur në burim për çdo pagesë që i kryhet personave jorezidentë për shfaqjet e aktorëve, të muzikantëve ose sportistëve etj., përfshirë pagesa të tilla që u bëhen personave jorezidentë, të cilët punësojnë artistë ose sportistë apo ndërmjetësojnë për shfaqjet e tyre.
Rubrika 62 Pagesa të tjera për të cilat mbahet tatimi në burim – plotësohet në mënyrë analitike për çdo pagesë të cilat nuk janë të listuara në rubrikat: 40, 42, 44, 46, 48, 50, 52, 54, 56, 58, 60.
Rubrika 63 Tatimi në burim – tatimi i llogaritur/mbajtur për çdo pagesë të kryer ndaj personit fizik apo entitetit jorezidentë në Republikën e Shqipërisë për të cilat mbahet tatimi në burim referuar rubrikës 62, që paguhen gjatë muajit. Rubrika 64 Totali për t’u paguar – është shuma e rubrikave: 11, 13, 15, 17, 19,
21, 23, 25, 27, 29, 31, 33, 35, 37, 39, 41, 43, 45, 47, 49, 51, 53, 55, 57, 59, 60, 63./Monitor/
