Qelbësirat shtegtare!
nga Agim Popoci
Sot kur Qeveria e Edi Ramës ka rënë, kur ai nuk administron më asnjë aset shtetëror përveç se një helikopter që e ka për të ikur nga populli, vitet e tranzicionit na mësojnë se ndryshim i pushteteve do të ndodhë, dhe sinjali kryesor janë Qelbësirat shtegtare.
Ashtu sikur se edhe tek zogjtë që arsyeja më e zakonshme për të migruar për një sezon të veçantë është të përfitojnë nga ushqimi, strehimi dhe uji që mund të ndryshojnë me stinët, tek Ne, Qelbësirat shtegtare duke u gjuajtur nga pushteti në pushtet arritën të mbijetojnë në këtë tranzicion të turbullt, i cili i këtij vendi i solli asgjë më shumë se shkatërrim, varfëri dhe mjerim të pashembullt ndër vendet evropiane.
Dhe, sot, rruga e Lulzim Bashës drejtë pushtetit nuk vihet në dyshim nga Edi Rama, dhuna shtetërore ose ajo propagandistike e intensifikuar gjatë këtyre ditëve, por vetëm jetëgjatësia e këtij pushteti, e cila përkundër ofertës, në rrezik është vetëm nga Qelbësirat shtegtare.
Këtë e konfirmon më së miri fitorja e Edi Ramës në vitin 2013, dhe turbullirat që u krijuan kur LSI-në e hodhi nga anija e pushtetit, për të lundruar vetë në detin me PPP-ra, konçesione korruptive dhe tendera që, po të kishin shpirt, sot do të vajtonin nga sikleti.
Në vitin 2017, Qelbësirat shtegtare heshtën sepse projekti i tyre “me Shqipërinë pa Sali Berishën” dështoi, ndërkohë Edi Rama i la pa ushqim, strehim dhe ujë pikërisht me ndryshimin e pushtetit.
Pse Edi Rama i la Qelbësirat shtegtare në këtë derexhe?! Jo pse ata nuk po i shërbenin, jo pse atyre u kishte shteruar urrejtja ndaj anitkomunistëve, por Kryeministri Edi Rama si mjeshtër i komunikimit masiv e kuptoi se, me ose pa ata, ai mund të shkel ligjin, të bëjë tendera ose konçesione siç i do qejfi, dhe pak rëndësi ka se ku bëjnë fole këto Qelbësira. Dhe, këtë zbulim, Edi Rama e bëri nga halli dhe për një arsye të vetme: Kostoja e madhe që po paguante vetë ai nga vitit 2000 për ushqimin, strehimin dhe ujin e këtyre Qelbësirave shtegtare!
Por, fatkeqësisht, derisa strategjia e karrierës në ngritje të Edi Ramës pësoi ndryshim ndaj këtyre Qelbësirave shtegtare, ajo e rivalit politik nuk ka ndryshuar.
Duke luftuar nga viti 1991 që të bëjë për vete këto Qelbësira me krijimin e
foleve në klimën e tyre politike, nuk respektoi dhe nuk u investigua në asetet kryesore elektorale që kishte: të përndjekurit politik dhe pronarët. Duke vazhduar të trajtohen edhe në qeveritë demokratike ashtu siç i kanë projektuar dhe i projektojnë Qelbësirat shtegtare, ish-pronarët u joshën nga plaçkitësit e këtyre të pronave ndërkohë të përndjekurit nuk e kaluan dot ylberin për qëndruar në një fole me persekutorin.
Sot, kur Edi Rama akuzon kazanët por jo edhe landfillët e tyre që me përbuzje transmetojnë gjithçka që Kryeministri lançon në ERTV, kur Qelbësirat shtegtare kanë ngritur fole pranë selisë së PD, nuk është në rrezik vetëm qeveria e ardhshme e Lulzim Bashës por edhe karriera e tij.
Kur u bashkuan të gjitha qelbësirat dhe rrëzuan pushtetin e Sali Berishës, Edi Rama ishte fitues, por qeveria që u krijua mbante vetëm erë. Asnjë nga projektet që kishin filluar nuk u çuan deri në fund; madje as rruga Tiranë-Elbasan që ishte në përfundim e sipër. Kur pranvera i erdhi Edi Ramës, ai më nuk kishte nevojë për këto Qelbësira, mbjellja e drogës filloi dhe për nj kohë shumë të shkurtër me Like e me Qelbësirë, Edi Rama i flaki nga tepsia.
Pse Edi Rama ra?! Këtë duhet ta ketë të qartë vetëm Kryeministri i ardhshëm i këtij vendi sepse Qelbësirat shtegtare nuk kanë asnjë kontribut! Vetëm babëzia e Edi Ramës e çoi deri aty sa ai të mos shikoj më as nga dritarja nëse është diell ose borë, nëse ka protestues ose rilindas, nëse ka studentë ose fresshistë; Dhe, në fund, harroi që nuk i ka as Qelbësirat shtegtare nëpër këmbë. Ndryshe, ikja e tyre do ta paralajmëronte se po bie nga pushteti…
