Qëllohet me armë zjarri, Kryeministri i Slovakisë

Kryeministri i Slovakisë, Robert Fico, është qëlluar me armë zjarri pas përfundimit të mbledhjes së qeverisë në Handlovë, rreth 150 kilometra në verilindje të Bratislavës.

Kryeministri i Slovakisë u qëllua me disa plumba në pjesën e gjoksit dhe stomakut ndërsa u afrua ta përshëndes një grup të qytetarëve.

Urgjentisht u transportua me helikopter në Spitalin e Bratislav ku mjekët po luftojnë për jetën e tij.

Atentatori u arrestua menjëher pas aktit kriminal.

Mediat slovake raportojnë se fjala është për shkrimtarin 71 vjeçar, Juraj Cintula. Portali slovak SME duke theksuar se ky informacion ishte konfirmuar nga policia, shton se Cintula është themelues i Klubit shkrimtarëve Duha dhe anëtar i Shoqatës Shkrimtarëve të Slovakisë.

Ndryshe, Robert Fico, në zgjedhjet e vitit kaluar, pas një fushate proruse dhe antiperëndimore ku premtoi ndërprerjen e ndihmave për Ukrainën, arriti të krijoj një koalicion të ngushtë qeverisës i cili mezi po mbahej në këmbë.

Nga proevropiani më i madh në Slovaki, ky politikan gjithçka u bë, por, vetëm njeri jo! Ndonëse kurba e tij politike ra në vitin 2018 kur gazetari investigativ Jan Kuciak, i cili po hetonte korrupsionin në nivele të larta qeveritare dhe të fejuarën e tij Martina Kusnirova, u vra nga një vrasës me pagesë, sot ai është në mandatin e tij të katërt si Kryeministër.

Dhe, sot është edhe putinist i tërbuar me qëndrime ekstreme kundër aleatëve perëndimor në Bruksel dhe Washington, përveç se premtoi ndërprerjen e mbështetjes ushtarake për Kievin dhe përdorimin e vetos në rast të ftesës për Ukrainës në NATO, me propagandën e tij arriti të ndryshoj dhe qëndrimin e opinionit publik ku sot vetëm një pakicë beson se Rusia është fajtore për luftën në Ukrainë.