Qershitë që duhet vendosur mbi tortën e fitores së PD!
nga Agim Popoci
Pas vetëm tre javë fushate të Partisë Demokratike me në krye Sali Berishën, ra parashikimi i Kryetarit të Partisë Socialiste, Edi Rama, me 115 mandate të fituara të PS; Dhe, vetëm pas dy javësh të kësaj fushate, ra edhe sondazhi i amerikonit interesant të Kryeministrit të Erion Velisë i cili e nxori PS-në fituese me 70.6 % të votave nëse zgjedhjet do të zhvillohen kur mendon Edi dhe Batoni!
I dëshpëruar edhe me dështimin e krijimit të partive të reja nëpër këmbët e Sali Berishës, sot Edi Rama fletë për 71 mandate që i ka të garantuara partia që ai drejton, ose 48 % sa fitoi mandatin e tretë para se drejtësia të gërvisht vjedhjet e qeverisë së tij!
Por, kjo nuk do të thotë se Doktor Berisha duhet të jetë i kënaqur për aq sa u tha në sondazhet që pikturoi Edi Rama kur konstatohet se janë fryrë pa respektuar edhe gjeografinë elektorale, dhe si reaguan shqiptarët në zotimet e tij serioze për 100 ditët e para të qeverisë demokratike, duke ndezë që sot qirinjtë në tortën e fitores së 11 Majit!
Pesë ditë para ditës së gjykimit, Veriu është i qartë se Doktori ka një analizë të detajuar mbi gjendjen në këtë pjesë të Shqipërisë që Edi Rama e la pa bukë dhe pa njerëz. Çdo shqiptar është i lumtur me zotimin mbi heqjen e taksës në Rrugën e Kombit që në javën e parë të qeverisjes demokratike, por është një Qershi që mungon mbi tortën e fitores së PD të cilën me ëndje do ta shikonte edhe ai që me hamendësim e shikon në Qarkun e Kukësit komunistin Eduard Shalsi dhe shërbëtorin e komunizmit Tomë Doshi: Rentë për Energji Elektrike!
Po, Doktori, ashtu siç premtoi rikthimin e rentës minerare për komunitetin e Dibrës në Bulqizë, për të gjithë gjurmën nga Fierza deri në Vaun e Dejës, duhet të vendos një rentë prej “1 lekë për kw/orë” që do të shërbejë për zhvillimin e zonës, të cilën partia e Edi Ramës përveç se shpopulloi duke e lënë pa shpi e katandi duke e përmbyt në ujë, e përdhosi duke na treguar përralla nga viti 1969 se “Dritën e solli Partia”!
Jo, jo, Dritën nuk e solli dhe nuk e sjellë Partia, dhe, jo vetëm kaq! Në Detin Adriatik dhe Jon, ku po zhvillohet Turizimi dhe Edi Rama bënë videoklipe me paratë e Qet Kastratit, Turizmi nuk do të ekzistonte pa Hidrocentralet në Veri!
Deti Adriatik dhe ai Jon si dhuratë e Zotit ishin aty edhe në vitin 1969 kur Spiro Koleka dhe Ramiz Alia konfirmuan çudinë e madhe të proletariatit në ndërtimin e Hidrocentralit “Mao Ce Dun” në Vaun e Dejës, ku mbi lumin Drin edhe mund të ecej në këmbë. Nuk foli njeri për njerëzit e zhvendosur por festa e madhe foli për lumin që u ndalua dhe u dëshmua teknologjia e kohës.
Edhe Partia si vetë Edi Rama sot meqë e panë se ishte e lehtë, mori sërish malokët i largoi nga shtëpia sepse Shqipëria kishte nevojë edhe për më shumë drita dhe në fillim të viteve ‘70 filloi ndërtimin e Hidrocentralit të Fierzës.
Pa harruar djersën e derdhur për tunelet e mëdha të devijimit të shkarkimit apo në ato nga ku kalojnë ujrat për tu kthyer në energji elektrike nga hidrocentralet në Dajt, Shkopet, Bistricë e Vaun e Dejës, nga viti 1978 kur u vu në punë Hidroncetrali i Fierzës si dhe projekti i Komanit në vitin 1986, këto zona ndonëse i dhanë gjithë Shqipërisë drita, madje edhe këtij bumi turistik të Edi Ramës sot, asgjë nuk mori nga ky shtet kriminal i cili u kujdes ti vendos edhe taksë për Rrugën e Kombit!
Pra, Qershia, rentë prej 1 lekë për kw/orë duhet të jetë zotimi solemn i Doktorit dedikuar gjithë zonës ku prekin këto hidrocentralei cili nuk duhet të mungoj në tortën e fitores së PD!
Qershia e radhës sërish ka lidhje me Rrugën e Kombit, aty ku mbaron, në Milot! Askush nuk duhet të thotë se rruga e sapondërtuar Shëngjin-Velipojë është kot, por që të marrë jetë dhe kuptim kjo rrugë, duhet të eliminohet ferri nëpër të cilin kalojnë sot shqiptarët dhe jo vetëm, deri në Shëngjin, përkatësisht Velipojë.
Sali Berisha duhet të zotohet për ndërtimin e rrugës Milot-Shkodër me shpejtësinë e Rrugës së Kombit, dhe këtë Qershi aq shumë të rëndësishme ta vendos urgjentisht në tortën e fitores.
Dhe, me tortë në dorë të vazhdoj drejt Kryeqytetit, aty ku e la në vitin 2013! Fillimisht ujërat e zeza, të cilat nuk trajtohen me sondazhet e Edi Ramës dhe sejmenit të tij Erion Veliaj! Rama mund ta projektoj Shqipërinë në BE, por tre mandate si Kryetari i Bashkisë Tiranë dhe tre mandate si Kryeministër ai nuk arriti të zgjidhë as problemin madhor të ujërave të zeza! Urgjent, ashtu siç zgjidhi problemin me terrin socialist, aroma e qytetërimit duhet ti kthehet edhe Kryeqytetit me perspektivën e shpejtë të furnizimit me ujë të pijshëm!
Rruga drejt Elbasanit duhet një herë e mirë të marrë fund e me te edhe makthi i hyrjes ose daljes nga ky qytet i bukur shqiptar! Qershi që nuk e pret vetëm votuesi i Elbasanit por edhe ai i Pogradecit e Korçës, që nga frëngjia shohin dhe ndërtimin e rrugës drejtë Qafës së Thanës!
Kjo pikë kufitare të kujton dhe vrasësin më mizor të Ekonomisë Shqiptare, përkatësisht Bujqësisë, Ballkani i Hapur, që me zë dhe vendosmëri, largimi nga kjo Marrëveshje duhet të jetë solemne ashtu si dhe vendosja e kësaj Qershie mbi tortën e fitores së 11 Majit!
Ajo që Sali Berisha nuk arriti të përmbyllë në mandatin e dytë të qeverisjes më 2013, duhet me urgjencë të vazhdohet me ndërtimin e rrugës me standarde evropiane deri në qytetin e Beratit, për të mos qenë më vetëm mburrja shqiptare e një mbi një dritareve! Kjo Qershi që të ketë dhe shijen e fitores mund të shoqërohet edhe me premtimin mbi ndërtimin e rrugës deri në Këlcyrë!
Dhe, për të gjithë ata që mendojnë se Edi Rama i dha fund Autostradës Durrës-Sarandë duke ndërtuar vetëm unazën e Fierit, duhet të dëgjojnë me zë dhe figurë zotimin për ndërtimin e kësaj autostrade deri në Sarandë me standardet që Doktor Berisha i ka vendosur në Rrugën e Kombit!
Nëse shqiptarët janë të dënuar të shohin tunelin e shëmtuar të Samir Manes vetëm pse Edi Rama kishte ca detyrime për ta çuar rrugën deri në resort, Doktori duhet të marrë me shumë kujdes Qershinë dhe ta vendos mbi tortën e fitores, duke u zotuar me furnizimin e rregullt me ujë të Kuçit dhe gjithë bregut, aty ky Edi Rama dhe Partia e tij tallen që nga Revolucioni i kuq i Fan Nolit!
Në fund, torta e fitores së PD nuk do të kishte kuptim nëse Sali Berisha nuk do të bënte zotimin solemn për rikthimin e lirisë në komunitetet fetare, aty ku Edi Rama bënë ligjin, në veçanti në Komunitetin Mysliman ku Kryeministri nuk bënë vetëm ligjin!
Me këto zotime, përveç se atyre që i parashikon Programi i PD dhe janë artikuluar nga Kryetari i saj Sali Berisha, dhe përvojën e realizimit nga viti 2005, askush nuk duhet të dyshojë në fitoren e 11 Majit pavarësisht terrorit shtetëror të Sigurimit të Shtetit dhe thirrjes së Edi Ramës drejtuar qytetarëve shqiptarë që të mos dalin në zgjedhje!
Shqiptarë, ju jeni ata që vendosni për shijen e tortës së fitores! Voto!
