Qetësia kriminelit, gazetarja: Gjaku i vogëlushes është në duart tuaja! Lavrov: Edhe Kievi ka vrarë vogëlushe!
Vladimir Putin vret pa mëshirë, por sa të pamëshirshëm janë edhe njerëzit që e rrethojnë tregon konferenca e sotme për media e shefit të diplomacisë ruse, Sergej Lavrov, i cili nuk e mohon se forcat ruse kanë vrarë fëmijë por me një qetësi prej krimineli këtë veprim e arsyeton me faktin se edhe Kievi ka vrarë fëmijë.
Pasi përsëriti refrenet putiniane se qëllimi rus është të zgjidhë çështjen me nazistët e Ukrainës ndërsa bisedimet do të vazhdojnë me kushtin e palëve të barabarta, se Perëndimi dëshiron të imponoj pamjen e Evropës së ardhshme, se Amerika është si Adolf Hitleri dhe po ju dikton gjermanëve se çfarë është mirë për të ardhmen energjetike evropiane, se Napoleoni dhe Hitleri donin që ta vënin nën kontroll Evropën e tani këtë e dëshiron Amerika, Sergej Lavrov u pyet nga gazetarja e televizionit britanik Channel 4 nëse Rusia po përgatit mbrojtjen për gjykimin e krimeve të luftës pasi që Gjykata Ndërkombëtare për Krime Lufte e konfirmoi se ka filluar hetimet, shefit të diplomacisë ruse nuk i lëvizi as qerpiku dhe me zërin e qetë të një krimineli të papenduar shtoi:
“Keni publikun dhe dëshironi të rrisni tensione. Kjo që bëni nuk është puna e mediave, ky është instrument për vendosjen e ideve në kokat e shikuesve tuaj. Nuk arsyetoj aksionet që shkaktuan vdekjen e civilëve, por ne nuk e shpikëm shprehjen ‘dëmi kolateral’. Këtë e shpikën partnerët perëndimor në aventurat e tyre në Irak, Libi etj. A i keni përcjellë po me këto emocione zhvilimet në Irak e Libi, ku janë vrarë mijëra civil? Nuk më kujtohet,” tha Lavrov duke bërë pyetje në pyetjen që i bëri gazetarja britanike e cila e sqaroi këtë kriminel rus me kollare:
LIVE: Russian Foreign Minister Sergei Lavrov speaks to media https://t.co/0kOyejRLo9
— PresserWatch (@PresserWatch) March 3, 2022
“Po, atëherë e kam bërë, por tani ju keni filluar luftën dhe gjaku i Polinës është në duart tuaja,” tha gazetarja Cathy Newman duke ju referuar vogëlushes e cila u vra gjatë një sulmi rus, e Lavrov i patrazuar vazhdoi me politikën kriminale të shefit të tij:
“Ky është show televiziv. Nëse dëshironi ta dëgjoni qëndrimin tim, e kam spjeguar në detaje, duke përfshirë edhe aspektin humanitar të operacionit. Natyrisht, e kuptoj se do të raportoni ashtu siç dëshironi, por dua t’ju kujtoj se edhe gazetarët kanë ndërgjegje. Kujtoni si jeni sjellur kur regjimi i Kievit vriste vogëlushe dhe gra në Donbas, në tetë vitet e kaluara,” tha shefi i diplomacisë ruse, Sergej Lavrov, duke mos përfillur faktin se ishte në transmetim të drejtëpërdrejtë pasi bënte atë për të cilën akuzonte gazetarët perëndimor, propagandë, ndonëse ai shumë mirë e di se askush në Donbas nuk u ankua në “regjimin e Kievit” përveç se treshja kriminale me kollare që hanë e pinë në Moskë, Putin-Lavrov-Medvedev, dhe po vret në Ukrainë!
