Qeveri me Isa Mustafën, Behgjet Pacolli do që të vijë në Kosovë por jo në karantinë!

Ish-Ministri i Jashtëm i Kosovës, Behgjet Pacolli, do të sakrifikoj veten dhe shëndetin e tij për të ardhur sërish në pushtet duke u kthyer në Kosovë edhe në këtë kohë të rrezikshme pandemie, por nuk pranon të respektoj ligjet e shtetit kosovar që të futet në karantinë. Madje shprehë habinë se si autoritetet kosovare nuk e pranojnë karantinën që ka bërë në Zvicër!

Kjo sjellje e një ish-zyrtari të lartë si Behgjet Pacolli që respekton një shtet të huaj por jo edhe atë të Kosovës, ku për disa ditë do të bëhet dhe Zv/kryeministër tregon se çfarë mendësie largoi Albin Kurtin dhe çfarë bande po vjen në pushtet.

Pacolli: Më pengojnë të vij në Kosovë!

Kryetari i AKR-së Behgjet Pacolli, ka shprehur indinjatën e tij, siç thotë, me mos lejimin për tu kthyer, në Kosovë, duke e quajtur karantinimin “moslejim”! Sepse, sipas tij, ai ka qëndruar dy muaj në karantinë në shteti zviceran dh etani habitet se si përkundër dokumenteve që ka prezantuar “nuk i është lejuar” kthimi në Kosovë.

“Është tronditëse kjo që po ndodh me mua! Pas dy mujësh karantinimi së bashku me familjen time në Zvicër,nën asistencën shendetsore, diçka që ua deshmova me dokumente, më pengojnë të vij në Kosovë! Jam unë që rrezikoj duke ardhur në vendin tim nga Zvicra, një sistem kujdesi shendetesor i përparuar, por dua të respektoj votën e qytetarit për mua!”, ka shkruar Pacolli.

Sipas tij qeveria që ai ka votuar po përpiqet ta fus në karaninë, duke pyetur kështu se a do të ja bëjnë ndonjë diplomati që vjen nga jashtë.

Por Ministria e Shëndetësisë mohon se ka marrë kërkesë zyrtare për kthimin në Kosovë të Kryetarit të Aleancës Kosova e Re, Behgjet Pacolli. Ministria e Shëndetësisë sqaron se është njoftuar nga mediat në lidhje me ankesat e Pacollit se atij i është anuluar leja për aterrim në Prishtinë.

“Deri më sot në Ministrinë e Shëndetësisë nuk ka mbërritur asnjë kërkesë zyrtare për asnjë nga ato çka përmenden në reagimin e Pacollit. Siç kemi konfirmuar ditën e djeshme për rastet e kthimit të shtetasve të Republikës së Kosovës aplikohen masat e njëjta. Pavarësisht pozicioneve që kanë qytetarët tanë përpara çështjeve të shëndetit publik trajtohen jo nga pozita por sipas kritereve të paracaktuara shëndetësore,” thekson Ministria e Shëndetësisë, dhe reagime të tilla, si ai i Pacollit, përcjell mesazhe jo të mira të qytetarët.

“Po ashtu, nuk jemi të njoftuar me asnjë praktikë nga vendet e përparuara ku dikush për shkak të pozitës nuk i nënshtrohet kritereve të parandalimit të përhapjes së pandemisë. Reagime të këtij lloji përçojmë mesazhe të gabuara te qytetarët, të cilët po zbatojnë me korrektësi rekomandimet e institucioneve.”

Ndërkohë ka reaguar Këshilltarja e Kryeministrit në detyrë, Furtuna Sheremeti, pas deklaratës së kryetarit të AKR-së, Behgjet Pacolli, se ajo nuk ka njohuri rreth demokracisë parlamentare.

“Z.Pacolli kam më tepër njohuri se që duhet për të përsëritur se rregullat e vëna gjatë kohës së COVID-19 janë dhe duhet të vlejnë njësoj për të gjithë,” thekson Sheremeti përmes rrjetit social Twitter duke i bërë të qartë Ish-Ministrit të Jashtëm të Kosovës dhe Zv/kryeministrin e ardhshëm i cili u projektua nga Isa Mustafa, Behgjet Pacolli duke i bërë të qartë:

“Askush nuk po të ndalon që të vish në Kosovë. Ne vetëm po kërkojmë nga ju që t’i respektoni rregullat e karantinës sikur të gjithë të tjerët.”