Qeveri palaçosh, detyruan largimin e 500 mijë shqiptarëve dhe deklarojnë uljen e papunësisë

Nënkryetari demokrat i Kuvendit, Edi Paloka, ka reaguar ashpër ndaj ministrit të Financave, Arben Ahmetaj, i cili deklaroi se papunësia ka arritur në shifra të ulëta historike.

Por sipas Palokës, ulja e papunësisë ka rënë sepse shqiptarët kanë ikur nga vendi, duke kërkuar punë jashtë Shqipërisë.

“Qeveri palaçosh;

kanë detyruar mbi 500 mijë shqiptarë të largohen nga vendi dhe deklarojnë me paturpësi se është ulur përqindja e të papunëve.

Në fakt vendet e punës janë ulur, është rritur numri i shqiptarëve të mbetur papune që largohen nga vendi dhe palaçot këtë e paraqesin si ‘sukses’, si ulje te numrit të të papunëve në vend…”, shkruan Paloka.