Qeveria e Kosovës: Kocijançiç, zëdhënëse e Serbisë apo BE-së…

Koordinatori Nacional për Reforma Shtetërore në Qeverinë e Kosovës, Besnik Tahiri, i është kundërpërgjigjur deklaratës së sotme të zëdhënëses së Bashkimit Evropian, Maja Kocijançiç, e cila sërish ka kërkuar nga institucionet e Kosovës që ta heqin taksën ndaj produkteve serbe, kërkesë e cila më shumë përsëritet nga zëdhënësja e BE-së se vetë Beogradi.

Bensik Tahiri në reagimin e tij përmes rrjetit social Facebook thekson se Kocijançiç gjatë tërë mandatit ka shërbyer më shumë si zëdhënëse e Marko Gjuriçit, se sa e vendeve anëtare të BE-së.

“Gjatë tërë mandatit të saj Maja Kocijançiç më shumë ka funksionuar si zëdhënse e Zyrës për Kosovë të Marko Gjuriçit se sa të vendeve anëtare të BE. Qëndrimet e saj që sot u paraqitën në media janë vetëm vazhdimësi e qëndrimeve të mëparshme. Kushtëzimi i dialogut nga ana e saj nënkupton bllokim permanent të dialogut. Kosova është për dialog të pakushtëzuar. Nëse doni, ne kemi plotë,” thekson në reagimin e tij
Koordinatori Nacional për Reforma Shtetërore në Qeverinë e Kosovës, Besnik Tahiri.

Ndërsa, Kocijançiq në një intervistë që u publiku sot kërkoi sërish heqjen e taksës, pasi sipas saj përveç dialogut, ajo po pengon edhe rrugën e Kosovës drejt BE’së