Qeveria e Kosovës vendos sanksione kundër Rusisë, Bjellorusisë dhe Iranit

Qeveria e Kosovës, sot ka miratuar pakon e sanksioneve ndaj Iranit dhe ka shtuar sanksionet ndaj Rusisë.

Zëvendësministrja e Punëve të Jashtme, Liza Gashi, tha se sanksionet janë miratuar deri më tani në koordinim me SHBA, BE dhe partnerët e tjerë, në përpjekje për të kundërshtuar luftën pushtuese të Rusisë në Ukrainë.

Qeveria votoi gjatë kësaj mbledhjeje për miratimin e pakove 12 dhe 13 të sanksioneve të Bashkimit Evropian dhe Shteteve të Bashkuara kundër Rusisë dhe Bjellorusisë.

Zëvendësministrja Gashi, tha se masat kufizuese kundër Rusisë kanë të bëjnë me minimin dhe kërcënimin e integritetit territorial, sovranitetit dhe pavarësisë së Ukrainës, si dhe sanksione të tjera për shkelje të rënda dhe abuzime me të drejtat e njeriut në Rusi, që lidhen me vrasjen e liderit opozitar Alexei Navalny”.

Sanksionet kundër Iranit, tha Gashi, prekin persona dhe subjekte të përfshirë në aktivitetet e raketave bërthamore, apo balistike dhe personave dhe entiteteve që ofrojnë mbështetje për Qeverinë iraniane.