Qeveria emëron Drejtorin e ri të Bibliotekës Kombëtare
Kryeministri Edi Rama ka emëruar Drejtorin e ri të Biblotekës Kombëtare.
Këtë post, Edi Rama ia ka besuar shërbëtorit të tij të përulur Piro Misha, që është dhe i përzgjedhur i tretë me radhë, pas Aurel Plasarit dhe Persida Asllanit, që Rama i shpërblen pas një shërbimi ekselent.
Vendimi është marrë më datë 31 korrik, por sot është botuar në faqen e Këshillit të Ministrave.
Piro Misha është një përkthyes, publicist dhe botues shqiptar.
Ndryshe, Ish-Drejtorja e Bibliotekës Kombëtare, Persida Asllani është liruar nga detyra me vendim qeverie duek vazhduar karrierën si ligjëruese në Universitet.
V E N D I M
PËR EMËRIMIN NË DETYRË TË DREJTORIT TË BIBLIOTEKËS KOMBËTARE
Në mbështetje të nenit 100 të Kushtetutës dhe të nenit 27, të ligjit nr.8576, datë 3.2.2000, “Për bibliotekat në Republikën e Shqipërisë”, të ndryshuar, me propozimin e ministrit të Kulturës, Këshilli i Ministrave
V E N D O S I:
- Piro Misha emërohet drejtor i Bibliotekës Kombëtare.
Ky vendim hyn në fuqi menjëherë dhe botohet në “Fletoren zyrtare”.
