Qeveria miraton propozimin e Ministrit Brendshëm: Ilir Proda, Drejtor i ri i Policisë së Shtetit

Këshilli i Ministrave ka miratuar sot propozimin e Ministrit të Brendshëm, Ervin Hoxha, për Drejtorin e ri të Përgjithshëm të Policisë së Shtetit, Ilir Proda.

Pas mbledhjes së Këshillit të Ministrave, duke e bërë publik lajmin, Ministri i Brendshëm njoftoi se së shpejti do të nisin dhe konkurset për drejtuesit e policisë në nivel lokal.

“Kandidati i cili sot u emërua Drejtor i Përgjithshëm i Policisë, do të jetë në krye të Policisë së Shtetit. Menjëherë pas emërimit të tij si Drejtor i Përgjithshëm i Policisë së Shtetit do të vendosim konkurrimin e ri i cili do të hap një proces të ri për sa i përket të gjithë drejtuesve të policisë në qarqe,” tha Ervin Hoxha ndërsa sqaroj nëse cënohet imazhi i Drejtorit të ri të Policisë së Shtetit pasi dihet që SPAK më herët i ka sekuestruar telefonin për të bërë verifikimin lidhur me dekonspirimin e operacionit për bandat e Elbasanit.

“Fakti që të gjitha organet ligjzbatuese u pyetën në një kohë rekord dhe po ashtu përgjigjja e tyre erdhi në një kohë shumë të shpejtë, kandidaturat janë verifikuar nga çdo organ ligjzbatues dhe pastërtia e tyre është në përputhje të plotë me ligjin, ky proces konsiderohet transparent, integrues dhe Drejtori i ri i Përgjithshëm i Policisë së Shtetit i ka kaluar këto etapa verifikimi,” ishte bindës Ervin Hoxha kur mbronte kriminelë e trafikant droge nga Saimir Tahiri, Geron Xhafaj e deri te Olsion Bitri!