Qeveria ofron rritje të pagave, fton të ndërpritet greva në arsim

Kryeministri i Kosovës, Ramush Haradinaj thotë se sot gjatë takimit me kryetarin e Sindikatës së Bashkuar për Arsim Shkencë dhe Kulturë, Rrahman Jashari, i ka prezantuar ofertën e Qeverisë, për rritjen e pagave në sektorin e arsmit.

Ai ka ftuar të gjithë mësimdhënësit që t’i kthehen procesit mësimor.

“Për mbi 20 mijë të punësuar në sektorin e arsimit, vlera e rritjes është rreth 20 milionë euro në vit. Kjo është oferta më e madhe që i bëhet sektorit të arsimit dhe u bëjë thirrje të gjithë edukatorëve, mësimdhënësve që t’i kthehen punës, t’i kthehen procesit mësimor”, tha Haradinaj.

Kryeministri Haradinaj thotë se kjo është oferta e Qeverisë, 20 milionë euro më shumë për sektorin e arsimit, dhe sipas tij, “do të ishte një mashtrim nëse grevistët mendojnë se do ta kenë një ofertë tjetër”.