Qeveria Rama ndryshoi rregullat në mënyrë arbitrare, PPE: Nuk mund të pranohet!
Pas miratimit të ndryshimeve kushtetuese nga Parlamenti i Shqipërisë, Grupi i Partisë Popullore Evropiane, PPE, pranë Parlamentit Europian i sheh mjaft të diskutueshme qëllimet e vërteta të Edi Ramës pasi prishi konsensusin e arritur ndërkombëtarisht me opozitën dhe ndryshoi në mënyrë të njëanshme Kushtetutën.
“Nuk mund të pranohet për askën që Qeveria Rama, e cila kërkon negociatat e pranimit me BE-në, të fillojë të ndryshojë në mënyrë arbitrare rregullat e lojës elektorale. Nëse kjo qeveri do me ndershmëri negociatat e pranimit me BE-në, si mund të mohojnë këshillat e Parlamentit Evropian, Komisionit Evropian dhe shteteve anëtare për një çështje kaq të ndjeshme dhe themelore për demokracinë,” thekson PPE duke reaguar përmes Koordinatorit të Grupit për çështjet e zgjerimit, Michael Gahler duke i bërë të qartë mazhorancës qeverisëse se Grupi i PPE do të vëzhgojë me vëmendje lëvizjet e radhës, në lidhje me Kodin Zgjedhor, dhe do të kërkojë fuqishëm të arrihet konsensusi me opozitën brenda Këshillit Politik ndërsa përfundoi:
I takon partive dhe popullit shqiptar të mbrojnë demokracinë dhe perspektivën e tyre evropiane!
Reagimi:
Është për të ardhur keq dhe i shoh mjaft të diskutueshme qëllimet e vërteta që partia qeverisëse e Shqipërisë prishi konsensusin e arritur ndërkombëtarisht me opozitën dhe dje ndryshoi në mënyrë të njëanshme Kushtetutën.
Nuk mund të pranohet për askën që qeveria “Rama”, e cila kërkon negociatat e pranimit me BE-në, të fillojë të ndryshojë në mënyrë arbitrare rregullat e lojës elektorale. Nëse kjo qeveri do me ndershmëri negociatat e pranimit me BE-në, si mund të mohojnë këshillat e Parlamentit Evropian, Komisionit Evropian dhe shteteve anëtare për një çështje kaq të ndjeshme dhe themelore për demokracinë.
Grupi i PPE do të vëzhgojë me vëmendje lëvizjet e radhës, në lidhje me Kodin Zgjedhor, dhe do të kërkojë fuqishëm të arrihet konsensusi me opozitën brenda Këshillit Politik. I takon partive dhe popullit shqiptar të mbrojnë demokracinë dhe perspektivën e tyre evropiane.
