Qeveria Tranzitore, Basha: Nesër shpalosim Projektin. Bllokimi i rrugëve në 12 Qarqe…

Opozita e ka gati projektin me detyrat që do të bëjë Qeveria Tranzitore. Kështu u shprehë Kryetari i Partisë Demokratike, Lulzim Basha pas takimit me kryetaren e LSI-së, Monika Kryemadhi, duke shtuar se Projektin do ta bëjë publik nesër pas takimit me Aleatët në orën 11:00 ndërkohë do të bllokohet akset kryesore në 12 qarqe të vendit si një intensifikim, përshkallëzim i mosbindjes civile.

“Jemi në një krizë të thellë, dhe shkaku është qeveria e lidhur me krimin. Ne do të vazhdojmë aksionin tonë në të gjitha planet. Nesër në orën 11:00 do të shpalosim së bashku me aleatët, detyrat e qeverisë tranzitore për zgjedhje të lira dhe njëkohësisht po punojmë për ofertën tonë për shqiptarët për mundësi punësi dhe shanse për të gjithë,” u shpreh Lulzim Basha duke mos harruar edhe protestën e së enjtes:  

“Nga ora 18:00 do të nisë aksioni në 12 qarqet e vendit për bllokimin e akseve kryesore, si një intensifikim, përshkallëzim i mosbindjes civile.”

I pyetur nëse ka ndryshuar qëndrim apo nëse do të pranonte të ulej në një tryezë me kryetarin e PS, Lulzim Basha tha se agjenda nuk ka pësuar ndryshim:

“Asgjë nuk ka ndryshuar në qëndrimin tonë dhe në koalicionin tonë: Largimi i Edi Ramës është kusht i domosdoshëm për t’i hapur rrugën zhvillimit demokratik.”

Akset që do të bllokohen:

1.Qarku Kukes – Ura e Drinit ne hyrje Rruges Kombit.

2.Qarku Shkoder- Rruga Shkoder-Koplik

3.Qarku Lezhe – Mbikalimi Milot

4.Qarku Diber- Ura ne kryqezimin Burrel – Rreshen- Klos.

5.Qarku Durres- Plepa, ne hyrje te Autostrades

6.Qarku Tirane- Sheshi Shqiponja

7.Qarku Elbasan – Mbikalimi Bradashesh

8.Qarku Korçe – Hyrja, rruga nacionale e Korçes.

9.Qarku Gjirokaster- kryqezimi i Rruges Permet-Tepelene – Gjirokaster .

10.Qarku Fier- Rruga nacionale tek Ura Mbrostar.

11.Qarku Berat ne Ura Vajgurore, aksi Berat – Ura Vajgurore.

12.Qarku Vlore- Hyrja e superstrades Vlore- Levan

Ndryshe, të enjten e kaluar ditë kur u zhvillua seanca plenare e Parlamentit, u bllokuan pesë akset kryesore në Shqipëri, atë që lidhë Veriun me Tiranën dhe protesta të zhvillohet në Milot, Jugun me kryeqytetin me protestën në Sheq të Fierit, zonën e Juglindjes duke bllokuar rreth rrotullimi në Bradashesh të Elbasanait si dhe protestën në Tiranë, duke bllokuar rreth rrotullimin tek Sheshi Shqiponja.