Qeveria+Teuta Rugova sot vazhdojnë seancën e jashtëzakonshme të Parlamentit të Kosovës
Sot pritet të vazhdojë seanca e jashtëzakonshme e Parlamentit të Kosovës e ndihmuar sërish nga deputetja e LDK, Teuta Rugova ndonëse nuk dihet se cili është humori i Listës Srpska për ditën e mërkurë.
Në këtë seancë pritet të bëhet shqyrtimi i Propozim-vendimit të Qeverisë së Kosovës për emërimin e Ekipit Negociator për Normalizimin e Marrëdhënieve në mes të Kosovës dhe Serbisë.
Kryetari i Parlamentit të Kosovës, Kadri Veseli, ka bërë të ditur se seanca e jashtëzakonshme do të vazhdojë sot në ora 14.00, pasi bojkoti dhe mungesa e gatishmërisë së opozitës ka krijuar edhe një situatë të mungesë së konsensusit të marrjes së vendimit për ekipin negociator në dialogun me Serbinë në Bruksel.
