Qeverisja e demokratëve/ Premtimi, Basha: Askush nuk do të ketë imunitet para ligjit!

Kryetari i Partisë Demokratike Lulzim Basha, i premtoi shkodranëve dhe gjithë Shqiptarëve se në qeverisjen e demokratëve askush nuk do të ketë imunitet para ligjit, gjykatave dhe prokurorisë.

“Barazia para ligjit është parakushti për të ecur përpara. Pse e nisëm reformën në drejtësi ne? Sepse ligji godiste të pamundurit dhe mbronte të pushtetshmit. Ku jemi sot? Në vend numëro! Ministra të kapur me krimin, të lirë, bëjnë paradë. Njerëzit më të korruptuar të Shqipërisë në krye të vendit, dhe protestues që ngrihen për të drejtat e tyre, për shtëpitë e tyre, shoqërohen, shoqërohen gra dhe fëmijë. Sepse nuk ka barazi para ligjit!

Ndaj barazia para ligjit është garancia për të ecur përpara dhe barazia para ligjit vjen vetëm kur ta çlirojmë prokurorinë dhe gjykatat nga presioni i qeverisjes.

“Në qeverisjen e ardhëshme, në qeverisjen e demokratëve, gjykatat dhe prokuroria do të trajtohen siç janë me Kushtetutë: pushtet i tretë. Dhe nuk do të ketë imunitet për askënd, pavarësisht nga ngjyra politike. Të gjithë do të jenë të barabartë para ligjit, se është barazia para ligjit që krijon mundësi të barabarta nga të cilat secili përfiton në bazë të aftësive.”

Gjatë një takimi në Shkodër me qytetarë dhe të rinj që kanë studiuar jashtë, Basha ka shpalosur edhe programin e Partisë Demokratike dhe opozitës shqiptare për të gjithë të rinjtë që investojnë në dije e shkollim dhe u premtoi se do të kenë shanse të barabarta, duke rrëzuar barrierat dhe trarët që ka vendosur Edi Rama dhe qeveria e tij që si filozofi të saj ka: vendos unë për gjithçka.

Bashkëbisedim me të rinj dhe qytetarë shkodranë që janë arsimuar jashtë 

Gjatë një takimi në Shkodër me qytetarë dhe të rinj që kanë studiuar jashtë, Bash aka shpalosur edhe programin e Partisë Demokratike dhe opzoitës shqiptare për të gjithë të rinjtë që investojnë në dije e shkollim dhe u premtoi se do të kenë shanse të barabarta, duke rrëzuar barrierat dhe trarët që ka vendosur Edi Rama dhe qeveria e tij që si filozofi të saj ka: vendos unë për gjithçka.

Basha:Faleminderit për këtë takim të jashtëzakonshëm në një ditë të vështirë për Shkodrën, e cila prapë në një kohë të shkurtër është tronditur nga pasiguria, është tronditur nga krimi. Megjithatë, jam i sigurtë se këto çështje do të kemi mundësi t’i diskutojmë gjatë bashkëbisedimit të sotëm. Dua ta nis me një falenderim për sfidimin që rinia shkodrane dhe qytetaria shkodrane i bëjnë dorës së zezë të krimit. Dora e zezë e krimit që është bërë njësh tash 6 vjet me dorën e një qeverie kriminale, që është në themel të kapjes së shtetit, siç e ilustron dhe Departamenti i Shtetit në raportin që sapo publikoi javën e kaluar. Është në themel të kapjes së çdo pushteti, në themel të kapjes së institucioneve, në themel të kapjes së ekonomisë, në themel të kapjes së universiteteve, dhe për të cilën jemi bashkuar si asnjëherë tjetër në 28 vite. Qytetarët e lirë shqiptarë, me shkodranët në ballë, dhe opozita politike, e cila duke djegur mandatet, refuzoi të jetë pjesë e këtij parlamenti të krimit, dhe ka vendosur t’ia kthejë edhe njëherë vendimmarrjen qytetarëve, përmes votës së lirë dhe të ndershme. Kjo është domethënia e betejës që kemi nisur, ndërsa destinacioni dihet, është destinacioni i vlerave evropiane, i vlerave të një shoqërie të lirë, ku gjithësecili të bëjë para përmes meritës, përmes aftësisë, përmes talentit, e në veçanti rinia ta ketë të sigurtë jetën, shkollimin dhe punësimin.

Kreu i opozitës shpalosi të rinjve shkodranë por dhe atyre në të gjithë Shqipërinë, por që kanë zgjedhur të studiojnë jashtë, se cili është programi që ka për këtë kategori Partia Demokratike dhe opozita.

Basha: Ju po flisni për të nesermen. Po kërkoni të dini cfarë ofroj unë, PD, opozita. Është një lajm i mirë se nuk po merreni me të djeshmen, me Edi Ramën, askush s’ka shpresë më tek Edi Rama. Shkodra po e përmbush profecinë sepse po i paraprin, spo merret me të djeshmen, por me të nesërmen, dhe keni të drejtë të dini se si do të jetë e nesërmja në optikën e Partisë Demokratike. Vendi ku unë kam studiuar ka dekoncentrimin dhe për një kohë të gjatë në Holandë është vepruar me dekoncentrimin, ku institucione të rëndësishme të qeverisjes qendrore nuk janë vetëm në Hagë, por janë edhe në rajonet kryesore të Holandës. Kjo është një politikë që e ndjekin shumë shtete evropiane, por natyrisht kjo kërkon investime në infrastrukturë, investime të cilat në qeverisjen tonë janë nisur dhe kanë sjellë një zhvillim të madh infrastrukturor, kanë shkurtuar shumë distancën, edhe distancën midis Shkodrës dhe Tiranës. Por tani ka ardhur koha për përfundimin e këtyre investimeve. Ky është një prioritet. Asgjë s’e pengon që qeveria qendrore të vendosë një nga institucionet kryesore të qeverisjes këtu në Shkodër, pse jo edhe një apo dy ministri. E njëjta gjë mund të bëhet edhe me qytete të tjera me kapacitet, si Elbasani, Durrësi, Korça apo Vlora e pavarësisë.

Sipas Bashës alternativa e PD është ajo me suvencione për tarifat, me 5 mijë bursa dhe 10 mijë stazhe për të integruar studentët në tregun e punës. 

Basha: Të gjithë studentët shqiptarë, shkodranë e në mbarë vendin, që vijnë nga familje me më pak të ardhura sesa 640 mijë lekë të vjetra në muaj, do të paguajnë zero tarifë, për bachelor dhe master. Të gjithë studentët që do të vijnë nga familje me mbi 640 mijë lekë të ardhura në muaj, do të paguajnë gjysmën e tarifave aktuale. 5 mijë bursa me vlerë 2 milionë e 200 mijë lekë të vjetra në vit, për të mbështetur ata që pavarësisht prej tarifave, e kanë të pamundur të shkojnë, sepse vijnë nga familje ekstremisht të varfra, 10 mijë stazhe në vit me pagesë 300 mijë lekë të vjetra në muaj për ata që sapo diplomohen, për t’i futur në tregun e punës. Këto janë masa konkrete. Janë me të vërtetë para të taksapaguesve shqiptarë, para që vijnë nga xhepat e baballarëve dhe nënave tuaja, vijnë nga pagesa e çdo takse, edhe e tvsh-së, por në qeverisjen e ardhshme nuk do të përfundojnë në xhepat e 3 oligarkëve. Ja si do t’i shpenzojmë, duke ulur tarifat, duke financuar auditorët, konviktet, infrastrukturën universitare, dhe duke bërë të mundura stazhe me pagesë dhe besoj se këto janë masa të forta, për të integruar studentët shqiptarë, sapo mbarojnë  apo akoma pa mbaruar universitetin, në tregun e punës.

Besforta Mulleti, e kthyer nga Austria tregon apelin e prindërve: Në 1990-ën ne e bëmë punën tonë, tani është rradha juaj të ngriheni se po rrini shumë urtë

“Ke pasiguri për jetën, pasiguri kur sëmuresh dhe përballesh me sistemin tonë shëndetësor, pasiguri edhe përsa i përket sistemit fiscal nëse do të investosh dhe do të kesh një sipërmarrje private. Pasiguri për të ardhmen, shkurt. Unë përsonalisht kam shumë pasiguri për arsimimin e fëmijëve të mi. Ajo që unë kam mësuar në Austri, është se natyra njerëzore dhe njerëzit janë kudo njësoj në botë, por ajo që bën ndryshimin është ekzistenca e ligjit, ndërgjegjësimi qytetar por edhe frika nga ndëshkueshmëria  kur nuk e zbaton ligjin. Unë besoj se në Shqipëri duhet të sigurohen këto faktorë, pastaj zhvillimi ekonomik, zhvillimi i turizmit, arsimimit, vedosja e sigurisë, ato pastaj janë rrjedhoja të natyrshme. Ka rdhur koha të reagojmë dhe reagimi kësaj here duhet të vijë nga rinia, sepse sic më thanë edhe prindërit e mi dje: ne e kemi bërë punën tonë në fillim të viteve ’90, tani e keni rradhën ju sepse po rrini shumë urtë dhe joaktivë”.     

Nektar Duma, diplomuar tek Politeknikumi i Torinos si arkitekt, shprehu shqetësimin se gjithçka po e thith Tirana dhe po e mbyt provincën dhe secilin prej qyteteve. Jo që çdo oportunitet të shfaqet në kryeqytet e askund tjetër. 

Basha: Në qoftëse stimulohen degë të veçanta sipas specifikave të rretheve, atëherë edhe njerëzit do të kenë mundësi jo vetëm të shkojnë për të studiuar, por edhe të ndërtojnë biznese pranë universiteteve që janë inkubatorë të sipërmarrjes të së nesërmes. Ky është këndvështrimi im për mënyrën se sim und ta dekoncentrojmë zhvillimin, që të kemi një zhvillim të barabartë dhe most ë ndodhë siç e the me të drejtë: kur qeverin demokratët, Shkodra i ka punët mirë, por shkodranët shkojnë në Tiranë, e kur e merr e mjata, në veçanti kur e merr Rilindja që është një organizatë kriminale, ska lidhje fare as me të djathtën as me të majtën, shkojnë në emigracion.

Basha iu premtoi të gjithë atyre që dalin në tregun e punës shembjen sistemit të trarëve që ka vendosur kjo qeveri për të vendosur ajo për jetën e qytetarëve shqiptarë, kush shkon në shkollë e kush punësohet.

Basha: Ju fola për tratë të padukshëm, për pengesat që kanë vënë këta në mënyrë që most ë çash përpara. Ja ku e ke traun. Ke mbaruar Bachelor, pastaj Master shkencor që shumë më shumë se Master profesional dhe ai thotë: nuk futesh në punë se je i mbikualifikuar. Ky është një tra i fshehtë, një postobllok i fshehtë që e ka vendosur kjo qeveri, e ka vendosur ky njeri, është pjesë e mentalitetit, dhe kështu ka vepruar në të gjitha fushat për të penguar njerëzit, për të kontrolluar a rata kush do ta marrë atë vendin e punës, jo ti me master shkencor se ti je i mbikualifikuar. Dhe kur fillon pastaj materin professional, pastaj thonë pas 5 vitesh. Janë të gjitha pengesa të fshehta, barrier të fshehta për të pamundësuar që njerëzit të çajnë sipas meritës. Janë të gjitha truke që Edi Rama dhe administrate e tij përdorin që të mos ketë konkurencë, të mos ketë meritë, por ta vendosin ata kush merr çfarë. Siç ndajnë kullat në Tiranë, siç vendosin se kush do të kontrollojë trehtinë e kokainës dhe kush të heroinës. Siç vendosin se kush do të marrë PPP-të, kështu e kanë kapilarizuar çdo gjë për të shuajtur mundësitë. i kanë kthyer njësoj sin ë kohën e etërve të tyre, ku gjithçka e vendoste komiteti i partisë. Kush do të merrte bursë e ku do ta merrte. Vetëm se tani e kanë kamufluar me të ashtuquajturën, portale. Këto janë barrierat që ne do ti zhdukim. Do ti zhdukim në arsimin, në administratë, do ti zhdukim në ekonomi, do ti zhdukim në çdo fushë të jetës. Këto janë barrierat që e kanë shëndërruar Shqipërinë në një çiflig të Edi Ramës dhe të një grushti kriminelësh. Ndaj detyra jonë më e rëndësishme nuk është vetëm të largojmë Edi Ramën, se për mua ai është i larguar, moralisht është i rënë, politikisht është i mbaruar dhe së shpejti do të jetë i larguar edhe në kuptimin fizik të fjalës. Por si të shkatërrojmë këtë sistem që ai ndërtoi këto vite, për të shkatërruar mundësitë e shqiptarëve dhe të ndërtojmë një sistem ku të ecet përpara me mundësi, me meritë, me aftësitë e gjithësecilit. Hapi i parë është ti heqim këto barrier, ti anullojmë këto barrier.

Amila Gjyrezi, diplomuar në Siena për trashëgimi kulturore ngriti shqetësimin për rrezikun që i kanoset trashëgimisë kulturore, për të cilën Basha gjeti shembullin tipik tek Teatri Kombëtar që sipas tij, qeveria nuk do të ja dalë ta shembë.

Basha: Teatrin nuk ka për ta shembur dot. Investime në trashgiminë kulturore janë zero, sepse kjo qeveri e ka mendjen të shkatërrojë trashgiminë kulturore siç po bën në Tiranë me Teatrin Kombëtar. Nuk ka për të ja dalë, dhe në përgjigje të interesit të artistëve që ndodhen edhe sot në protest, nuk ka për ta shembur dot. Nuk ka për ta shembur dot. Do të jetë një betejë dhëmb për dhëmb, dhe do të jetë një betëjë për të cilën PD dhe gjithë demokratët, qytetarët e Tiranës do të angazhohen me gjithçka. Do ta mbrojmë më gjak Teatrin Kombëtar, po të jetë e nevojshme.