Qipro, Peshkopi: Ja si bëhet fëmija homoseksual!

Kryeprokurori i Qipros, Costas Clerides ishte dakord me konkluzionin e policisë lokale se Kryepeshkopi Neophytos nuk ka shkelur ligjin mbi parandalimin e shprehjes së urrejtjes kur ka deklaruar për pikëpamjet e tij mbi homoseksualitetin, shkruan “Cyprus Mail”.

Kleriku i lartë i Kishës Orthodokse Geke në Qipro, në muajin qershor, gjatë një takimi në një shkollë tha se një mashkull  mund të bëhet homoseksual nëse mamaja e tij ka praktikuar seks anal gjatë kohës sa ishte shtatzënë. Duke folur për homoseksualët, Kryepeshkopi Neophytos tha madje se ata edhe “kutërbojnë”.

Muajin e kaluar, Kryeprokurori i Qipros urdhëroi hetimin e rastit. Në fund, Clerides në konkluzionet e tij thekson se vërejtjet e Kryepeshkopit janë për kritikë, por nuk mund të konsiderohen përpjekje për nxitje të dhunës ose urrejtjes për shkak të orientimit seksual dhe se nuk mund të përshkruhen si shprehje e urrejtjes, siç e përcakton ligji.

Deklarata jointeligjente

Në fakt, Kryeprokurori i Qipros, Costas Clerides, tha se vërejtjet janë thënë në kontekstin e dialogut të hapur mbi frymën shpirtërore. Por, shtoi Kryeprokurori i Qipros, liderët shpirtëror “duhet të anashkalojnë deklarata e ngathëta dhe jointeligjente”.    Ndryshe, ligjin mbi shprehjen e urrejtjes Qirpo e ka miratuar para katër viteve, por deri më sot policia nuk ka proceduar asnjë rast të shprehjes së urrejtjes homofobe