“Qumështore për Edi Ramën”/ Protesta, fermerët derdhin qumështin në asfalt, policia dhunon protestuesit…

Grumbulluesit dhe agropërpunuesit e Lushnjës, Beratit, Divjakës, Kuçovës, Gjirokastrës dhe rretheve të tjera të vendit ashtu siç kishin paralajmëruar, sot kanë ndërprerë grumbullimin e qumështit ndërkohë fermerët që ngelën me qumësht nëpër fermat e tyre, filluan protestën me bllokimin e rrugës  Lushnje-Fier.

Duke derdhur në rrugë, jo vetëm qumështin që  nuk po grumbullohet, por edhe perimet e frutat që nuk kanë ku t’i shesin, ata kanë akuzuar qeverinë dhe Edi Ramën për falimentimin e tyre.

“Kërkojmë uljen e TVSH për qumështin. Kemi marrë kredi, ndërkohë që prodhimet detyrohemi t’i hedhim në plehra!” theksojnë fermerët ndërkohë qeveria e Edi Ramës e cila di të bëjë vetëm një gjë, përdorimin e forcës, dërgoi forca të shumëta policore për të shpërndarë protestën ku dhe tensionohet situata.

Nga ana tjetër, Albanian Food Industri, AFI, thekson se kjo masë ekstreme po merret në mungesë të një zgjidhjeje nga Ministria e Financave dhe Ekonomisë, teksa nga 1 janari TVSH e rimbursueshme u ul nga 20 në 6%. Kjo masë u kundërshtua fort nga agroindustria dhe grumbulluesit dhe agropërpunuesit e Lushnjës, Beratit, Divjakës, Kuçovës, Gjirokastrës, Shkodrës e rretheve të tjera të vendit të cilët theksojnë se ndërprerja dhe grumbullimi i qumështit do të vazhdoj.