Qytetarët presin arrestimin e Plarent Ndrecës për 25 mln euro, SPAK “kap” një korrupsion për punësim

U pagëzua Strukturë e Posaçme Kundër Korrupsionit dhe Krimit të Organizuar, SPAK, me mision ndjekjen penale dhe përfaqësimin e akuzës në emër të shtetit para Gjykatave të Posaçme por nga e gjitha kjo mbeti vetëm Strukturë e Posaçme në emër të shtetit.

Në emër të shtetit por dhe për shtetin edhe atëherë kur vendosi që abuzimet me tenderin e uniformave në Ministrinë e Brendsheme me vlerë prej 25 milionë euro ti çoj para drejtësisë, i përcaktoi përgjegjësit e këtij abuzimi dhe kur u pa se duhet të prangoset edhe njeriu që përfaqëson dhe i bënë avokatinë në media Edi Ramës dhe Qeverisë së tij, Ish-Sekretari i Ministrisë së Brendshme, Plarent Ndreca, SPAK devijoi misionin. Jo pse këtë arrestim e kërkonte opozita, por reagimi qytetar bëri që kjo Strukturë e Posaçme të bëjë shpejtë e shpejtë një tjetër arrestimi në mënyrë që të çohet në harresë Plarenti dhe përgjegjësia e tij. Viktimë para mediave ishte Ish-Zv/Ministrja e Brendshme Rovena Voda e cila u arrestua për një ryshfet për punësim, për të cilin flitej nga korriku i vitit të kaluar kur dhe u shkarkua nga posti i Zv/Ministres së Brendshme.

Meqë “i erdhi momenti” këtij arrestimi, Rovena Voda u çua para Gjykatës së Posaçme nga SPAK me akuzën e përfitimeve nga Florida Beu dhe Majlinda Hasani kundrejt emërimeve të tyre në detyrë dhe GJKKO i caktoi masën ‘arrest shtëpie’ si për Vodën që mori ryshfet ashtu dhe Beun dhe Hasanin që u ngritën në detyrë.

Por a u harrua Plarent Ndreca! Njeriu që dinte gjithçka si për politikën, financat, integrimin e deri tek kërkesat e kontrollorëve të Albcontrol sot thotë se nuk e ka idenë për tenderin e uniformave në ministrinë ku ai ishte Sekretar i Përgjithshëm.

Ai dhe Edi Rama, patjetër që e dinë, ashtu si dhe kjo Strukturë e Posaçme që mbyll sytë, por për kujtesë po risjellim Nenin 15 nga Rregullorja e Brendshme për organizimin dhe funksionimin e Ministrisë së Brendshme sigluar nga Ish-Gjenral Sandër Lleshaj, ku shihet qartë se cilat janë detyrat e Sekretarit të Përgjithshme dhe pse ai duhet të dijë gjithçka për tenderin korruptiv prej 25 milionë eurove, dhe ashtu sikur se dielli as korrupsioni nuk mbulohet me shoshë.

Nëse kreu i SPAK, Arben Kraja, nuk e ka idenë se ekziston një Rregullore e tillë, le tu kërkoj falje taksapaguesve shqiptarë që i japin rrogën dhe le ti marrë dy parë pranga, njërën për Ndrecën e Edi Ramës që e ruan aq shumë dhe tjetrën për veten e vet që është aq i paaftë. Sa për Rovena Vodën, ajo u arrestua nga SPAK, por vonë shumë vonë, mos ti citojmë dhe Ciceronin se mund të jetë shkencë për Krajën, Partinë e tij të Punës dhe asaj aktuale, të Korrupsionit!

Ndërkohë sot duke parë situatën ku pas akuzave nga SPAK për tenderin për uniformat e policisë, të palagur pritet të dalin vetëm ministri i Brendshëm, Ish-Gjeneral Sandër Lleshaj dhe Sekretari i Përgjithshëm, Plarent Ndrecaj, janë aktivizuar kryetari i Komisionit Vlerësimit të Ofertave Ylber Pjetërnikaj dhe anëtari dhe Drejtori i Policisë, Ardi Veliaj duke përdor mediat që kanë në shërbim për të lançuar dosjet hetimore ku thuhet se që të nuk kanë firmosur ofertën fituese të uniformave të policisë.

Por problematikat tek elementët e kontratës për të cilat flet Drejtori Policisë janë shumë banale për të mos i kapur syri i SPAK, ose që iu nevojiten dy vjet nga denoncimi i PD, për të konstatuar shkeljet, e Veliu vazhdon:

Ndryshe, ja se çfarë thotë njoftimi i SPAK në kulmin e interesit publik për mbarëvajtjen e rastit të tenderit të uniformave ku u abuzua me 25 mln euro dhe arrestohet një Ish-Zv/Ministre për ryshfet për punësim:

Njoftim:

“Prokuroria e Posaçme kundër Korrupsionit dhe Krimit të Organizuar Tiranë ka zhvilluar hetime në kuadër të procedimit penal që bën fjalë për veprën penale “Ushtrim i ndikimit të paligjshëm ndaj personave që ushtrojnë funksione publike”, e kryer në bashkëpunim, si dhe për veprën penale “Ushtrim i ndikimit të paligjshëm ndaj personave që ushtrojnë funksione publike”.

Nga veprimet hetimore të kryera për këtë procedim penal në bashkëpunim me policinë gjyqësore të Drejtorisë së Policisë së Shtetit, janë siguruar dhe janë mbledhur prova konkrete, nga të cilat janë krijuar dyshime të arsyeshme se shtetasja Rovena Voda, në cilësinë e zëvendës ministres në Ministrinë e Brendshme ka pranuar dhe ka marrë përfitime monetare dhe përfitime materiale të padrejta nga shtetaset Majlinda Hasani dhe Florida Beu.

Përfitimet monetare dhe materiale të padrejta në këtë rast janë dhënë dhe janë pranuar me qëllim që shtetasja Rovena Voda të ushtronte ndikim të paligjshëm te persona të tjerë që ushtrojnë funksione publike, për të favorizuar në mënyrë të padrejtës shtetasen Florida Beu në mënyrë që kjo e fundit të emërohej punonjëse në shërbimin civile në kategorinë ekzekutive. Në kuadër të hetimeve paraprake të këtij procedimi penal, me kërkesë të Prokurorisë së Posaçme kundër Korrupsionit dhe Krimit të Organizuar Tiranë, me vendimin me nr. 57, datë 13.07.2021 të Gjykatës së Posaçme të Shkallës së Parë për Korrupsionin dhe Krimin e Organizuar Tiranë është vendosur:

Caktimi ndaj shtetases Rovena Voda të masës së sigurimit personal “arrest në shtëpi”, si e dyshuar për veprën penale “Ushtrimi i ndikimit të paligjshëm ndaj personave që ushtrojnë funksione publike”.
Po kështu arrest shtëpie është vendosur dhe për shtetaset Florida Beu dhe Majlinda Hasani, si të dyshuara për veprën penale “Ushtrim i ndikimit të paligjshëm ndaj personave që ushtrojnë funksione publike”, e kryer në bashkëpunim.

Shërbimet e policisë gjyqësore të Drejtorisë së Policisë së Shtetit kanë ekzekutuar sot masën e sigurimit personal të vendosur ndaj Vodës, Hasanit dhe Beut. Hetimet paraprake për këtë procedim penal janë në vazhdim e sipër dhe ende nuk kanë përfunduar.”