Qytetarët presin vaksina, PD: Ministrja e Shëndetësisë në fushatë zgjedhore!
Kush pret që Ministrja e Shëndetësisë, Ogerta Manastirliu, do të merret me politika shëndetësore të testimit, kurimit e sidomos vaksinimit të qytetarëve, Partia Demokratike përmes Ish-Deputetit Bardh Spahia sjell prova duke sqaruar se prioritet i saj është 25 Prilli.
“Se cili është prioriteti në kohë pandemie e vërteton më së miri përfaqësimi i Partisë Socialiste në komisionet zgjedhore. Pjesë e këtij komisioni psh është drejtoresha e përgjithshme e Ministrisë së Shëndetësisë, në mes të ditës në orar zyrtar pune,” thekson Dr.Bardh Spahia rë reagimin e tij përmes rrjetit social Facebook duke sjellë dhe dëshmi:
E për mazhorancën e Edi Ramës, që për 8 vite kurrë nuk ka pranuar gabimet edhe kur janë provuar me zë dhe figurë, sot Dr.Bardh Spahia i bënë publike të drejtat e Nëpunësit Civil për të marrë pjesë në veprimtari politike, jo për ti bindur rilindasit por për të sqaruar opinionin publik pse siguria shëndetësore e qytetarëve është në këtë nivel në kohë pandemie!
Nëpunësit Civil të nivelit të lartë drejtues, thotë Neni 37 në kapitullin mbi të Drejtat Politike i cili është hartuar nga po kjo mazhorancë, nuk mund të jenë anëtar të partive politike, që në realitetin e Edi Ramës është kushti kryesor si i punësimit ashtu dhe drejtimit në nivel të lartë.
