Qytetarët shpresuan te koronavirusi, Vuçiç: Nuk bie rrufeja n’hale!

Pasi u zhduk për disa ditë dhe nuk po dilte në media, qytetarët serbë shpresuan se Presidenti Aleksandar Vuçiç ishte infektuar me koronavirus. Por, shpresat u shuan sot kur ai u paraqitë në TV Pink.

Gjithsesi, shpresat nuk i kishin varur kot pasi ai në çdo fatkeqësi natyrore, si dhe në valën e parë të koronavirusit, deri 3 herë në ditë dilte në konferencë për shtyp ndërsa mbledhjet e qeverisë transmetoheshin drejtëpërdrejtë.

Ende nuk është e qartë nëse gjithçka është në rregull me shëndetin e Vuçiçit, raporton e përditshmja serbe Blic, por sot ai lidhur me këtë çështje u shprehë:

“Jam fshehur këtu në tarracën e Presidencës, ku nuk isha deri më sot. Nuk bie rrufeja n’hale, unë jam mirë siç po e shihni. Kjo është hera e 12-të që po vdes, që nga 6 Marsi. Qysh atëherë thoshin se do të vdes, në veçanti se kisha probleme tjera,” tha Vuçiç duke iu përgjigjur paralajmërimeve se ishte infektuar me koronavirus ndërsa përfundoi se nuk do të lejoj njeri që të luajnë me paqen dhe stabilitetin në Serbi.