Qyteti në kaos, Këshilli Bashkiak i Vlorës zgjedh zëvendësin e Ermal Dredhës

Ndonëse qyteti i Vlorës është në një kaos me shërbimet publike që kanë kolapsuar, ku radhët janë shtuar edhe në Kadastrën e drejtuar nga demokrati i konvertuar në komunist, Genc Deromemaj, Këshilli Bashkiak i Vlorës gjeti zgjidhjen duke zëvendësuar kryebashkiakun e dorëhequr Ermal Dredha me Elis Halilin, i cili është menduar të mbaj detyrën e kryebashkiakut të Vlorës deri në zgjedhje.

Seanca e këshillit bashkiak u shoqërua me debate të ashpra, ndërsa përveç Halilit u përfolën edhe emrat e dy nënkreytareve të tjera, Irena Toshkallari dhe Klea Lalo.

Ndryshe, Ermal Dredha dha dorëheqjen si Kryetar i Bashkisë Vlorë, një ditë para Asamblesë së Partisë Socialise, detyrë të cilën e mbante prej vitit 2023 kur zëvendësoi Dritan Lelin.