Ra kjo qokë dhe e pamë/ Edi Rama fut Bindjen Demokratike në Komisionin Zgjedhor

Ndonëse Edi Rama po bënë llogaritë pa hanxhinë, sot në kuadër të Reformës Zgjedhore ndryshoi formulën e përfaqësimit në Komision Zgjedhor madje futi dhe një deputet të partisë e cila u formua dje dhe e cila po trumbetonte se kundërshtarin më të madh ka kryeministrin.

Kështu në Komisionin të Reformës Zgjedhore, nga 18 anëtarë që ishin deri tani, ky komision do të përbëhet nga 10 anëtarë, pesë nga Partia Socialiste dhe 5 nga opozita.

Por edhe pse janë vetëm pesë nga opozita, sot një vend u rezervua për partinë e cila dje për një orë u regjistrua në Gjykatë dhe KQZ, dhe më pas themeluesit e kësaj partie theksuan se kundërshtarët e Bindjes Demokratike janë përfituesit më të mëdhenj nga ky sistem i kalbur politik, në krye të cilëve qëndron sot kryeministri Edi Rama

Meqë nuk rezultoi kështu dhe meqë është e qartë se tashmë që të dhjetë anëtarët e këtij Komisioni i takojnë mazhorancës, për fat të keq, atë që thanë dje themeluesit e Bindjes Demokratike, se fuqia e pakontrolluar e pushtetit të Edi Ramës, buron edhe nga pafuqia e opozitës zyrtare, sidomos nga pranimi prej saj i modelit të qeverisjes së partisë dhe më pas qeverisë, del të jetë e kundërta. Pra, opozita, përveç Edi Ramës, nga viti 2013 kishte edhe kundërshtarë të tjerë që e luftuan në mënyrë që koalicioni qeverisës kriminal i Ramës të vazhdoj të qëndroj në pushtet.

Ndryshe, anëtarët e këtij Komisioni të Reformës Zgjedhore do të jetë:

Damian Gjiknuri, Bashkim Fino, Klotilda Ferhati, Blerina Gjylameti dhe Alket Hyseni; Rudina Hajdari nga grupi parlamentar demorat; Ralf Gjoni dhe Nimet Musai nga Grupi I të pavarurëve, dhe Andi Përmeti nga Bindja Demokratike edhe pse ende nuk është betuar para shokut Gramoz.

Nesër pritet edhe zgjatja e afatit të këtij Komisioni deri më 28 nëntor, ashtu siç kërkoi Edi Rama përmes Taulant Ballës.