Ra perdja e dramës “Rama 2”, Kryeministri: Akuzat ndaj meje, nuk më shqetësojnë fare!

Sot ra perdja e dramës shqiptare “Rama 2” me regjisor, teknik zëri, teknik ndriqimi dhe sufler, Edi Ramën! Ndonëse ishte përmbyllje e mandatit të dytë qeverisës, Kryeministri Edi Rama ashtu si e nisi në vitin 2013 e përfundoi me premtime dhe natyrisht arsyetoi dështimet me dy të papriturat e mëdha, tërmetin tragjik të 26 nëntorit 2019 dhe pandeminë.

Rendit shumë arritje dhe evidentoi shumë gjëra që çaluan por jo ujësjellësat e inaguruar që sot nuk kanë ujë, zjarret në pyje që nuk kishte se kush ti fik, ndërtimet pa leje në rritje, dështimin e menaxhimit të plazheve pas spastrimeve selektive politike, krimet e patronazhistëve dhe Shqipërinë që çdo ditë po boshatiset më shumë.

Para spektaklit të këngëtarit serb Goran Bregoviç dhe Irfanit nuk e tha, por sot solemnisht e pranoi se këtë dimër virusin vrastar do ta kemi nëpër këmbë, e sa kanë ndikuar këto evente idiote mbetet për tu parë.

“Duke ju falënderuar, dëshiroj t’iu drejtoj disa fjalë në sytë e opinionit publik. Mbyllet me një notë pozitive puna e një mandati tejet të vështirë, ku tërmeti e pandemia diktuan një forcë të pashembullt. Ja dolëm me përkushtim, profesionalizëm e durim të madh pjesës më të vështirë të këtyre dy sfidave ekstreme. Ende nuk ka mbaruar pandemia dhe nuk ka përfunduar rindërtimi, por ne kemi marrë një avantazh të kosniderueshëm. Përtej cdo konsiderate, kjo do të jetë një nga gjurmët e pashlyeshme të kësaj qeverie në historinë e këtyre 30 viteve. Garantimi i vaksinave ka bërë që goditja e valës së tretë të jetë e moderuar. Fatkeqësisht kemi ende fatalitete, disa jetë janë në rrezik serioz në Infektiv, por ato janë dhe një mësim domethënës për rëndësinë jetike të vaksinimit,” tha Edi Rama duke shtuar:

“Askush prej atyre që sot marrin frymëmarrje nga respiratorët nuk është i vaksinuar. Ndërkohë që disa të vaksinuar, ndër rreth 80 personat e shtruar në spital, nuk kanë shfaqur shenja të rënda intubimi. Për skeptikët e vaksinës Sinovac, që kërkojnë Pfizer, vlen e dhëna se në grupin e të shtruarve në spital ndahen thuajse gjys për gjys të vaksinuar me Pfizer dhe Sinovac. Ndaj ju bëj thirrje të gjithëve të vaksinohen. Vaksina nuk i mbron të gjithë nga infektimi, por është e qartë se ajo përqindje e vogël e të vaksinuarve që preken nga virusi, e kalojnë pa kërcënim fatal të jetës. Teoritë e konspiracionit dhe frika nga vaksina e lënë njeriun të paarmatosur përballë këtij virusi, që sic duket, do ta kemi nëpër këmbë edhe këtë dimër. Vaksinën duhet ta bëjnë me patjetër edhe ata që e kanë kaluar Covid-in, sepse të gjitha studimet thonë se ka nuk ka imunitet afatgjatë ndaj këtij virusi vrastar. Pa skuadrat e një armate të tërë bluzash të bardha, që u përkushtuan me gatishmëri të lartë dhe sakrifcica të mëdha në mbrojtjen e popullit, pa ekspertët, pa angazhimin e strukturave të tjera shtetërore dhe mbështetjen masive të qytetarëve, Shqipëria nuk do ja kishte dalë të ishte sot ndër vendet e suksesshme në këtë përballje.”

Duke aktruar emocionet ai sot dha lajmin se deputetja e zgjedhur e Partisë Socialiste në zgjedhjet e 25 prillit, Najada Çomo, ka vendosur të dorëzojë mandatin e saj, për t’iu përkushtuar luftës ndaj COVID-19 në Spitalin Infektiv ndërsa iu kthye fjalorit me luftë, që sipas tij, s’ka mbaruar ende dhe varianti Delta sapo ka nisur të rimbushë shtretërit.

”Najada Çomo dorëzon mandatin në momentin kur varianti Delta ka nisur të rimbushë shtretërit. E falenderoj Najadën personalisht, për këtë shembull kuptimplotë. Faleminderit shumë të madhe, me përulje dhe përzemër të gjithë atyre që na kanë nxjerrë të fortë përballë armikut. Lufta s’ka mbaruar, vjeshta e dimri mund të jenë të vështirë, por janë shpëtuar dhjetëra mijëra jetë. Ndërkohë Shqipëria po rikonfirmohet si destinacion me potencial të madh turistik për dekadën. Pandemia dhe hallet që erdhën dhe me tërmetin nuk na dhanë mundësi të investonim sa do donim në turizëm.”

Por turpi i Edi Ramës, u krijua ideja për momentin, sikur ka dhe kufi! Kishte kritika nga turizmi deri tek arsimi në mandatin e dytë qeverisës. Për këtë sezon turistik foli për problemet që kishte me plehrat dhe administrimin, tha se duhet një luftë e madhe për mbrojtjen e mjedisit e për arsimin tha se Shqipëria është shumë larg nga ambicia e qeverisë aktuale edhe pse disa plagë janë shëruar.

“Duke mbajtur mirë shënim, për mangësitë tona ende të kosndierueshme në turizëm. Tek plehrat apo papastërtisë ku duhet ndërruar qasja. Pa harruar administrimin e plazheve që la për të dëshiruar. Por dhe të tjera  mangësi. Po të kthejmë kokën mbrapa, s’ka krahasim jo me 8 por dhe me 4 vjet më parë.

Ashtu sikundër, 8 vite më parë kur Shqipërai ishte një vend i përmbytur nga plehrat e papastërtitë, Shqipëria është vend shumë më ndryshe. Për t’u bërë kampionët e Ballkanit në turizëm në fund të kësaj decade duhet shumëfishim i luftës për mbrojtjen e mjedisit. Ndotja e ujërave e ajrit, janë vetëm pjesa më e dukshme e problematikës mjedisore. Falë punës tek infrastruktura dhe energjia, kemi kushte të qëndrueshme për zhvillim ekonomik e social. Eksportuese neto e energjisë. Skavica nuk është më ëndërr në sirtar, por projekt në zhvillim nga SHBA.”

Me këtë rast Kryeministri Edi Rama tha se javën e ardhshme do të shpallë qeverinë e re, të dalë nga zgjedhjet e 25 prillit të 2021 duke paralajmëruar një formacion të mirë qeverisës, një kryesi të mirë të grupit parlamentar, si dhe një stol rezervash të gjatë, për të pasur mundësi energjizimi të partisë.

“Qeveria e re do të shpallet javën e ardhshme dhe ju do të vijoni të gjithë punën deri në minutën e kalimit të detyrës, pa lënë asnjë ditë të shkojë kot. Kemi një skuadër kampione, ku ka shumë zgjedhje për çdo rol. Kampionati 4-vjeçar që ka nisur të nesërmen e zgjedhjeve të fundit kërkon jo vetëm formacion të mirë qeverisës, një kryesi të mirë të grupit parlamentar apo një kryesi efektive të vetë partisë, por një stol rezervash të gjatë, për të pasur mundësi energjizimi të partisë. Me shumë mirënjohje për të gjithë ju, mbështetjen, kontributin, ju falënderoj edhe njëherë për të gjithë këtë periudhë sfiduese kohe,” tha Kryeministri të cilit nuk po i shqiteshin arritjet e këtyre dy mandateve në të gjitha fushat, si në kulturë, mbrojtje, apo politikën e jashtme ndonëse vendi ka bërë shumë hapa mbrapa edhe krahasuar me vitin 2013.

“Edhe për kulturën kemi bërë, por shumë e shumë do bëjmë me projekte që janë rrugës, si realizimi i Teatrit Kombëtar, apo të tjerë. Më shumë mund të kishim bërë me formalizimin e ekonomisë, por kemi bërë një punë të vyer me ndërtimin e sistemet të ri digjital të fiskalizimit, prej të cilit presim një hop të madh cilësor e sasior në administrimin e të ardhurave. Ulja e taksave, rritja e pagave për mësuesit dhe mjekët, pavarësisht pandemisë, nuk janë pak për një shtet akoma në kantier në aspektin e konsolidimit të strukturave të tij. Jemi vendi me papunësinë më të ulët në rajon,” tha Rama duek premtuar dhe nivel tjetër në marrëdhënien qytetar-shtet.

“Katër portet e reja turistike, ai i Sarandës, ku ka nisur puna, ai i Vlorës, ku puna nis në muajt apo javët e ardhshme, si dhe ai më i madhi në Durrës, janë një nga blloqet e mëdha të investimeve konkrete të huaja, që do të na mundësojnë rritje ekonomike. Rritja e ekonomisë nuk do të mjaftojë për të arritur majën, ku kjo qeveri do ta ngjisë Shqipërinë në fund të kësaj dekade. Kjo qeveri ka bërë jo pak punë. Do ta çojmë në një nivel tjetër marrëdhënien qytetar-shtet, si dhe goditjen e korrupsionit në administratë,” tha Edi Rama duke premtuar futjen e shtetit në smartphonin e qytetarit dhe shkuljen nga xhepat e korrupsionit.

“Para 8 vitesh ishim brima e zezë në fund të kavallit të këtij rajoni, ndërsa tani e mbyllim këtë mandat me rezultate pozitive. Mandate pozitive kemi edhe në luftën kundër krimit. Do të rrisim më tej sigurinë në çdo drejtim, që nga qarkullimi rrugor, e deri te sigurimi i një kontrolli permanent në kohë reale 24 orë i territorit. Kjo sfidë i kalon qeverisë tjetër, me një bazë garancie për t’ia dalë me sukses. Jemi të gjithë krenarë me atë që është bërë në fushën e mbrojtjes dhe punët e jashtme. Reputacioni ndërkombëtar, respekti i aleatëve tanë, përfshirja si asnjëherë më parë i diasporës në raport me qeverinë, vetë imazhi i vendit tonë, nuk kanë asnjë krahasim fare me vitin 2013. Janë shumë më lart sot se në vitin 2017,” tha Kryeministri Edi Rama duke shtuar se kKjo qeveri e mbyll mandatin me realizimin e të gjitha kushteve dhe stërkushteve për integrimin dhe me hapjen e një kapitulli të ri, si nismëtare e Ballkanit të Hapur ndërsa përfundoi.

“Polemika për Ballkanin e Hapur dhe akuzat e hatashme ndaj qeverisë dhe ndaj meje, nuk më shqetësojnë fare dhe nuk duhet të na shqetësojnë aspak në mandatin e tretë. Ka shumë tym e zjarr të ndezur, por qeveria e re do të vazhdojë përpara edhe në këtë drejtim, pa humbur asnjë ditë të vetme. Kam besim se me qeverinë e Kosovës do bëjmë plot punë të mira, pavarësisht mosdakordësisë me Ballkanin e Hapur.”

Por, fundi i dramës “Rama 2” përveç dështimeve dhe një bilanci katastrofik ka dhe të fituar, është Mimi Kodheli të cilës i hapi rrugën doktoreshë Najada. Natyrisht jo për fikjen e radarëve, gjithsesi i bëri nder Mimit se për shqiptarët kuptohet…