Rai 3: Prodhimi i kanabisit është rritur 1200%; Rama: Turp gazetaresk!
Turp gazetaresk, pa asnjë lidhje me realitetin e monitoruar dhe çertifikuar nga vetë Guardia di Finanza, e quan Kryeministri Edi Rama, reportazhin e transmetuar nga televizioni shtetëror italian, Rai 3, ku konfirmohet se Shqipëria jo vetëm që vazhdon të jetë Kolumbia e Europës por prodhimi i kanabisit është rritur 1200%.
”Lajmi i mbrëmshëm në RAI 3 mbi gjoja 12 fishimin e kultivimit te kanabisit në Shqipëri është një turp gazetaresk, pa asnjë lidhje me realitetin e monitoruar dhe çertifikuar nga vetë Guardia di Finanza,” thekson edi Rama në reagimin e tij përmes rrjetit social Twitter duke përfunduar:
Uroj që partnerët tanë të shkëlqyer ta thonë vetë pa humbur kohë të vërtetën!
Ndryshe, pas transmetimit të reportazhit nga televizioni shtetëror italian, Rai 3, ka reaguar Partia Demokratike duke theksuar se ky repotazh rrëzon propagandën e qeverisë se asgjësuar kanabisin dhe dëshmon dështimin e Edi Ramës dhe Sandër Lleshajt në plotësimin e një prej kushteve kryesore të Bundestagut për nisjen e negociatave, luftën kundër krimit të organizuar.
Reagimi i plotë:
Lajmi i mbrëmshëm në RAI 3 mbi gjoja 12 fishimin e kultivimit te kanabisit në Shqipëri është një turp gazetaresk, pa asnjë lidhje me realitetin e monitoruar dhe çertifikuar nga vetë Guardia di Finanza! Uroj që partnerët tanë të shkëlqyer ta thonë vetë pa humbur kohë të vërtetën!
