Rajoni të gjejë zgjidhje për siguri energjetike, Kim: SHBA, partneritet të ngushtë me Shqipërinë!

Rajoni duhet të gjejë një zgjidhje për sigurinë energjetike, tha Ambasadorja e SHBA në Tiranë, Yuri Kim, në takimin me një grup kompanish lider në SHBA dhe BE, duke e bërë të qartë se Shtetet e Bashkuara janë në një partneritet të ngushtë me Shqipërinë.

“Mendoj që shumë pak prej nesh do të mendonin se shumë pak prej nesh do të uleshim në këtë konferencë energjetike. Këto projekte kanë dalë në pah se janë të vlefshme dhe janë gjëja e duhur. Sot jemi mbledhur të vendosur për sigurinë dhe energjinë, SHBA ka nënvizuar se komuniteti ynë i aleatëve të sigurojë burimet e energjisë. Të gjithë kemi parë se lufta në Ukrainë ka bërë të qartë se diversifikimi i energjisë nuk mund të presë dhe kemi nevojë të kemi më shumë gazsjellës,” tha Ambasadorja amerikane duke konstatuar se SHBA dhe Europa po përballen me sfida të reja ndërsa shtoi:

“Siguria energjetike ka qenë e lidhur ngushte me sigurinë kombëtare dhe sot shohim kosto të larta. Rajoni duhet të gjejë një zgjidhje për sigurinë energjetike, SHBA janë në një partneritet të ngushtë me Shqipërinë.”

Ndryshe, pjesë e këtij takimi me kompani lider në tregun e energjisë në SHBA dhe BE, ishin dhe ministja e Infrastrukturës dhe Energjisë, Belinda Balluku dhe Kryeministri Edi Rama, e sipas këtij të fundit “me gatishmërinë për t’u përfshirë në zbatimin e planit ambicioz të transformimit të Shqipërisë në eksportues neto i energjisë dhe kampione e Ballkanit për energjinë.”