Raketa kineze në rënie drejt tokës, alarm në Itali: Rrini në shtëpi, larg dyerve dhe dritareve…

Pjesë të anijes kozmike kineze “Long March 5B” që kanë filluar të bien drejt tokës, mund të prekin dhjetë rajone italiane. Lajmin e ka bërë me dije Mbrojtja Civile e Italisë duke saktësuar se bëhet fjalë për Umbria, Lazio, Abruzzo, Molise, Campania, Basilicata, Puglia, Calabria, Sicilia dhe Sardegna.

Raketa “Long March 5B”, e cila ka dalë jashtë orbitës, pasi është ndarë nga një segment i stacionit hapësinor kinez parashikohet të hyjë në Tokë rreth orës 2:24 të datës 9 maj, me një diferencë kohore pasigurie prej 6 orësh. Këshilla e ekspertëve është të qëndroni në shtëpi.

Parashikimet e hyrjes së raketës kineze, sqaron Mbrojtja Civile, do të azhornohen në vazhdimësi, sepse janë të lidhura me sjelljen e anijes dhe efektet që dendësia e atmosferës i jep objekteve që bien, pavarësisht atyre që lidhen me aktivitetin diellor.

Në intervalin kohor të shqyrtuar janë tre trajektore që mund të përfshijnë Italinë.

“Qëndroni në shtëpi”

Nga të dhënat e bëra publike nga grupi i shkencëtarëve italian që po studiojnë lëvizjet e raketës kineze, thekson Mbrojtja Civile, është e mundur të jepen disa të dhëna të nevojshme për popullatën që ajo të sigurojë vete, mbrojtjen. Është pak e mundur që pjesë të anijes të shkaktojnë shembje të ndërtesave, që janë më të sigurta në krahasim me ambientet e hapura. Mbrojtja Civili e Italisë këshillon:

“Qëndroni në shtëpi , larg dyerve dhe dritareve. Copat që mund të bien në çatitë e ndërtesave mund të shkaktojnë dëme, duke i shpuar çatitë, dyshemetë, duke shkaktuar kështu edhe rrezik për njerëzit. Katet e poshtme të ndërtesave janë më të sigurta prandaj kush ka mundësi mund të spostohet në katet përdhese,” thekson Mbrojtja Civile e Italisë.