Rama akuzon, përgjigjet Meta: Ka probleme të mëdha shëndetësore!

Pas akuzave të Kryeministrit Edi Rama sapo nisi “Sprintin drejt 25 Prillit” ka reaguar menjëherë Presidenti i Republikës, Ilir Meta, duke konsideruar se kemi të bëjmë me një njeri që ka probleme të mëdha dhe ka nevojë për kontrolle shëndetësore serioze.

“Edhe sikur të isha duke pirë raki nuk do isha shqetësuar. Kokainën nuk e përdor dhe do jem një luftëtar i pashembullt ndaj çdo politikani që përdor substanca narkotike. Ai del garant para mafias për të pastruar lekët e saj,” tha Presidenti i Republikës por duke mo su çuditur nga vijnë akuzat:

“Ç’mund të presim ne nga një njeri që thotë shqiptareve: Këtu më keni deri më 2030?! Nëse e duroni deri në 25 prill, durojeni, s’ka problem. Por një njeri që thotë gjera të tilla, ka probleme të mëdha, ka nevoje dhe për kontrolle shëndetësore serioze,” tha Ilir Meta i cili gjithsesi nuk është dhe i pashpresë:

“Gëzohem që ka propozuar dhe ekspertë nga shëndetësia si kandidatë, ata tregojnë kujdes ndaj gjendjes së tij shëndetësore!”

Ndryshe, sot në nisjen e “Sprintit drejt 25 Prillit”, Kryetari i PS, Edi Rama duke këshilluar kandidatët për deputetë të Partisë Socialiste u bëri thirrje të vrapojnë më shumë, të pasojnë topin sa më shumë te njëri-tjetri, të gjithë në sulm, përballë atyre që kudo ku shfaqen kërkojnë një shesh për të bërë një përshesh ndërsa përfundoi

“Në sulm për të mbrojtur drejtësinë e re nga Iliri, Saliu, Monika e KÇK, që jep shpirt e nuk heq dorë!”