Rama-Basha i japin fund dashurisë “Hapja e dosjeve”, Majko: Adoleshent! Alibeaj: Komunist!

Aventura e dashurisë për Hapjen e Dosjeve përfundoi sot në Komisionin e Ligjeve, ata ku demokratët e Lulzim Bashës ishin të bindur që atë që nuk bëri Sali Berisha do ta bëjnë me komunistët e Edi Ramës ndonëse janë vetë ata që hartuan këto dosje, i shkatërruar dhe lanë në arkiva ato dosje që menduan se mund ti duroj edhe tranzicioni!

Socialistët i thanë sot këtyre idealistëve antiberishistë se jo të gjitha dosjet do hapen ndërsa në shqyrtimin e projektligjit “Për një ndryshim në ligjin nr.45/2015 “Për të Drejtën e Informimit për dokumentet e Ish-Sigurimit të Shtetit të Republikës Popullore Socialiste të Shqipërisë”, të ndryshuar, e bënë të qartë atë që ishte dhe synimi i tyre, do hapen dhe dojset e atyre personave që kanë kaluar nëpër filtrat e Komisioneve Mezini dhe Bezhani!

“Të shkallmohet dera, që mban të mbyllura dosjet e sigurimit. Dosjet të hapen pa asnjë kufizim, pra vetëm me kufizimin që të mos cënohet siguria kombëtare.  Ajo që po pretendojmë ne është shumë herë më tepër, jo vetëm të kontrollohet, por të mos kontrollohet nga një dorë e vetme,” ishte propozimi i Enkeljed Alibeajt i cili duke sqaruar amendamentin vlerësoi se Autoriteti i Dosjeve ka rënë pre e shantazheve dhe se që kjo të mos ndodhë, duhet çdo person i Republikës së Shqipërisë të njihet me dosje e Sigurimit të Shtetit.

“Nëse do të ndodhë që amendamenti ynë të pranohet, pra që çdo person ka të drejtë të marrë informacion dhe kopje të dokumentacionit dhe sigurimit të shtetit sipas ligjit, janë disa ligje që do të duhet të bien, pasi përjashtojnë të drejtën e çdo individi për informim për dosjet e Sigurimit. Nëse miratohet amendamenti ynë të gjitha këto dispozita minimalisht bien. Kur thuhet që i jepet vetëm të prekurve, apo të favorizuarve, fjala vetëm bie. Pra këtë duhet ta diskutojmë që tani, pasi nuk mund t’i rikthehemi edhe njëherë. Hapen dosjet për këdo dhe për secilin me kërkese të pamotivuar sipas ligjit për motivim,” tha Alibeaj duke shtuar:

“E vërteta është kjo, ka pasur një amendament nga ju për ligjin e dosjeve, dhe ishte vetëm një pikë që do të thotë shfuqizimi i pengesës që kushdo që është verifikuar njëherë, të mos jetë si pengesë. Dhe them se nuk ka moment më optimal për të diskutuar amendamentin tonë. Ju thoni që Autoriteti të mos pengohet nga Komisionet Mezini dhe Bezhani. Kjo ngjarje ka marrë udhë nga dokumentacioni i korrikut që doli nga Autoriteti që bënte fjalë për çështjen I.M. me urgjencë nga Autoriteti u vlerësua që ka një informacion dhe erdhi tek kryetarja e Kuvendit. Ishte ky moment ku ne depozituam diçka që hiqte çfarëdolloj mundësie që ky dokument të përdorej për shantazh. Autoriteti dhe kushdo tjetër nuk duhet të jetë e vetmja dore që të shohin dosjet sepse lehtësisht mund të bien pre e shantazheve politike. Tani si i bëhet që dosjet të shihen deri në fund pa asnjë kufizim dhe si i bëhet që të hiqet mundësia e abuzimit? Ka vetëm një mënyrë, të mos jetë Autoriteti e vetmja dorë që i sheh , por çdo person i Republikës së Shqipërisë që ka të drejtën të njihet me dosje e Sigurimit të Shtetit. Ne e paraqitëm në këtë mënyrë dhe momenti është tani.”

Këtë iluzion të asqerëve të Lulzim Bashës që fajësojnë Sali Berishën pse nuk u hapën dosjet, e ndërprenë ata që hartuan dhe shkatërruan dosjet e Sigurimit të Shtetit, duke i hapur sytë në Komisionin e Ligjeve të gjithë atyere që vazhdojnë ëndrën e Bashës nga maji i vitit 2017. Trashëgimtarët e komunistëve që veten e quajnë soacialistë bënë atë të gjithe dinin përveç këtij grupi të Lulzim Bashës, nuk pranuan amendamentin e tyre që prezantoi Enkelejd Alibeaj për hapjen e të gjitha dosjeve të Sigurimit të Shtetit nga nëntori 1944 deri në korrik 1991.

Pasi socialistët vendosën të mos marrin në konsideratë këtë amendament, deputetët e Lulzim Bashës braktisënn mbledhjen e komisionit duke e shoqëruar me një debat ku “u kuptua” se soacialistët prej të cilëve pritej të hapin dosjet e Sigurimit të Shtetit na qenkan edhe pjellë e Partisë së Punës, fakt që deri më sot vetëm Lulzim Basha nuk e dinte, ndërsa atyre që u tha, janë mburrur dhe mburren gjithnjë!

“Këto zvarritjet tuaja tregojnë qëndrimin tuaj  politik dhe fytyrën e vërtetë të mazhorancës. Nuk bëtë gjë tjetër veçse i mbyllët dosjet, treguat fytyrën tuaj të vërtetë seose me dosjet e sigurimit mbahen njerëz të lidhur edhe në politike dhe në administratë. Vota juaj kundër hapjes së Dosjeve tregoi fytyrën tuaj. Sikur po kërkoni të mbroni viktimat e sigurimit të shtetit sepse duke hapur dosjet gërryhen plagët e vjetra.

Pjella e Partisë së Punës, shkaktarë të dhimbjeve. Kjo është mënyra më makabër për të treguar që nuk keni sensibilitet njerëzor. A mund ta them deri në fund? Te hiqni edhe fjalën tani. Sapo votuat kundër amendamentit dhe argumenti ishte ky, të mos hapen dosjet e ish-sigurimit. Unë po ju them që nuk dua ta kthej në çështje politike dhe duhet të votohet për hapjen e tyre, për ata që kanë kryer krime por edhe për viktimat. Ju nuk doni që e vërteta të dalë në shesh, sepse ju duke pasur dosjet i përdorni për shantazh,” tha Enkelejd Alibeaj.

Debati!

Pika që derdhi gotën e dashurisë Rama-Basha për hapjen e dosjeve ishte momenti kur Enkelejd Alibeaj propozoi që çdo person të gëzoj të drejtën të njihet me dokumentet e Sigurimit të Shtetit dhe të kërkojë një kopje të tyre në përputhje me ligjin e të drejtës së informimit, ku socialisti Pandeli Majko tha se tek kjo pikë ndahen pasi janë për hapjen e dosjeve, por të jenë pak më të rezervuar ndërsa Ermonelal Felaj nuk zhgënjeu komunistët dhe foli si një partizane e vërtetë:

“Nuk votojmë amendamentin tuaj!”

Por këtij divorci të dashurisë për hapjen e dosjeve i parapriu një debat edhe i këtij lloji:

Enkelejd Alibeaj: Amendamenti që unë kam është ky: “me hyrjen në fuqi të këtij ligji çdo institucion i administratës ka detyrimin të publikojë bibliografinë e dokumenteve të ish sigurimit të shtetit, të ministrisë së Brendshme për periudhën 29 nëntor 1944- 2 korrik 1991, të deklasifikuara plotësisht sipas nenit 10 të ligjit për informacionin e klasifikuar. Çdo person gëzon të drejtën të njihet me dokumentet e ish sigurimit dhe të kërkojë një kopje të tyre në përputhje me ligjin e të drejtës së informimit. E kam amendament tani, për ta hedhur tani në votë. Nëse e miratojmë, mund ta çojmë te cili nen ku të doni ju. Ju nuk mund të thoni nuk po ta hedh në votë. Ne duam hapjen e dosjeve. Nga qëndrimi për këtë amendament do të shihet nëse ju jeni për hapjen e dosjeve apo jo.

Pandeli Majko: Ne ndahemi sepse jemi për hapjen e dosjeve, por të jemi pak më të rezervuar. Ta lëmë hapjen e dosjen si një marrëdhënie mes viktimës, kurse ju doni që dosja të bëhet është si Facebook. Ne po flasim për fatet e njerëzve dhe jo për shalë kali. Ajo që kërkohet është që ne kemi të bëjmë me fate inidividësh, nuk po diskutojmë fatin e spiunëve, por të viktimave. tani do të na vësh në pozitë të vështirë dhe të na thuash mazhoranca nuk do hapjen e Dosjeve. Nëse doni të dini opinionin tim, nuk e kanë mbajtur spiunët regjimin komunist, jo o miq, e kanë mbajtur disa të tjerë. Mos insistoni kaq shumë për ti futur një bojë të djathtës që e keni bërë fërtele. Edhe ligji ka probleme, ju bëtë një propozim të pashkruajtur. Tani në 29 nëntor është krijuar Sigurimi i Shtetit, shikojeni dhe vijini datave sipas momenteve.  Nga pikëpamja morale dhe e së drejtës të na thoni nëse nuk doni të hapni dosjet, nuk kanë më kuptim. Tani ju lutem kuptojeni që ka edhe raste ekstreme që janë bërë spiunë njerëz që kanë qenë të përndjekur, apo njerëz që kanë firmosur në presion. Duhet ta thoni ju këtë.

Alibeaj : Ja ta them unë këtë

Majko: Ik more se vjen flet këtu si adoleshent

Alibeaj: Kokrra e komunistit!