Rama dhe organizata e tij kriminale të tmerruar, Berisha: Më 14 Maj do i japim goditjen fatale!

Duke konstatuar një entuziazëm dhe besim ndër qytetarët shqiptarë në fitoren e opozitës, më të më madh se çdo herë tjetër, Kryetari i Partisë Demokratike, Sali Berisha, paralajmëroi se në orët në vijim opozita do të finalizoj koalicionin më të fuqishëm deri sa Edi Ramës i ka mbetur vetëm Alibasha dhe Lul Brava:

“Një klimë e shkëlqyer është sot në mbarë vendin, në mbështetje të opozitës. Ky është turi më i zjarrtë, më entuziast i të gjithë karrierës sime politike.

Si asnjëherë më parë, duhet t’u informoj ju: zjarri, entuziazmi, besimi në fitore është më i madh se çdo herë tjetër.

Demokratët dhe qytetarët janë në një mobilizim të paparë, për t’i dhënë Shqipërisë, vetes, të ardhmes së tyre, mbështetjen, ndryshimin që meritojnë. Kjo shpjegon të gjithë tmerrin dhe tmerret e Edi Ramës dhe organizatës së tij kriminale që ai kryeson,” tha Sali Berisha para Grupit Parlamentar të Partisë Demokratike ndërkohë mediat ndërkombëtare tani e kanë Edi Ramën personazhin negativ kryesor të të gjithë hapësirës euroatlantike dhe më gjerë.

“Ju jeni dëshmitarë, mediat ndërkombëtare tani e kanë personazhin negativ kryesor të të gjithë hapësirës euroatlantike dhe më gjerë.

E quajnë koka e gjarprit, ne e kemi quajtur kreu i Meduzës. Mes këtyre termave, nuk ka asnjë dallim substancial në raport me krimin.

Kanë filluar të zbërthejnë dimensionet e tij kriminale, vjedhjet monstruoze me afera korrupsioni tashmë jo nga zëra vetëm kundërshtarë, por nga zëra të pavarur dhe objektivë.

Kanë filluar të zbërthejnë dhe të nxjerrin implikimet e tij të tmerrshme me grupe trafikantësh.

Tre ditë më parë, ishte investigimi për Amant Josifin, ortakun e Olsi Ramës, të cilin rumori zyrtar e akuzon direkt si njeriu që përcolli në Dubai, Amant Josifin. Pra, po kundërmon erë në mbarë Europën.

Në fund, Kryetari i Partisë Demokratike, paralajmëroi se në orët që vijnë, opozita finalizon koalicionin më të fuqishëm deri sa Edi Ramës i ka mbetur vetëm Alibasha dhe Lul Brava:

“Nga ana tjetër, përpjekjet e tij për të shkuar i vetëm në zgjedhje dhe përjashtuar opozitën e vërtetë nga zgjedhjet, morën fund. Dështoi me turp!

Opozita finalizon në orët që vijnë, koalicionin e fuqishëm me të cilin i jep Edi Ramës dhe monizmit të tij, goditjen fatale me datë 14 maj.

Ai mbetet në koalicion vetëm me Alibashën dhe Lul Bravën.

Por unë një gjë u them demokratëve, se nuk ka zgjidhje më të gabuar sesa zgjidhja për t’u keqpërdorur si patericë e Edi Ramës në këto zgjedhje.

Pasi sot, çdo qytetar, çdo demokrat, duhet të angazhohet dhe të bëjë gjithçka për fitoren e opozitës dhe disfatën e Edi Ramës.

Të mbështesësh një njeri, që nxin me emrin e tij, sot kudo në botë, zgjedh të nxish veten tënde. Një njeri që do ketë fatin e McGonigal. Krim nuk kryen vetëm ai që merr, por edhe ai që jep.

Kjo është në kodin e SHBA, në Shqipëri dhe në çdo kod. Edi Rama me Duçkën e tij, i ka dhënë Agron Nezës 225 mijë dollarë. Askush të mos ketë iluzion se Ramën e pret fati i McGonigal,” tha Kryetari i Partisë Demokratike, Sali Berisha, duke përfunduar:

“Të marrësh përsipër për të kandiduar vetëm për të dëmtuar opozitën, do të thotë vetëm për të ndihmuar Edi Ramën, kjo përbën një akt shumë të rëndë personal.

Unë mund të kem besim se pallat-Kapllani, që numëron në listë 90 e ca tendera nga qeveria, nuk do jetë i detyruar të zbatojë urdhrat, por unë kam besim te qytetarët, kam besim te demokratët, që do bashkohen, do i trajtojnë këta individë si paterica të Edi Ramës.”