Rama e humbi bastin, Basha: Në fund të kësaj beteje, Qeveria dhe Kryeministri i PD do të…
Kryetari i Partisë Demokratike, Lulzim Basha, sot ka vazhduar në qytetin e Lezhës takimet me qytetarët dhe anëtarësimet e reja në PD, ku ndërsa konstatoi një situatë të nderë në Shqipëri ku Edi Rama dhe banda e tij që janë në pushtet vjedhin paratë e shqiptarëve me koncesione, ndërsa njerëzit e ndershëm vuajnë, tha se Partia Demokratik e ka një program të qartë për ndryshimin e këtij realiteti ku nuk mjafton vetëm vizioni.
“Beteja kryesore e Edi Ramës ishte të shkatërronte sipërmarrjen e punësimit dhe ta zëvendësonte me atë të plantacioneve të drogës, ndërkohë që kapi drejtësinë për të goditur kundërshtarin, ndërkohë që edhe në kto çaste me propagandë të shfrenuar po kërkon ti mbushë mendjen shqiptarëve se gjithçka është në rregull, e kuptoni se deri ku shkon çoroditja e njeriut. I ka ik truni, nganjëherë është më mirë të flasim direkt, i ka ik truni komplet, sepse, nuk po i funksionon më instrumenti kryesor me të cilin ka marrë pushtetin, shkurajimi i njerëzve, që t’i frikësojë, dëshpërojë, t’u heqë shpresën, tu thotë se gjithçka është njësoj dhe nuk ka më mirë se ky sharlatan. Por, basti i tij për shkurajimin e shqiptarëve humbi më 16 shkurt në ditën e kryengritjes së shqiptarëve për ti dhënë fund paligjshmërisë, instalimit të republikës së krimit,” tha Lulzim Basha sot kur Shqipëria është në një realitet të tmerrshëm, ku Edi Rama dhe banda e tij janë në pushtet e vjedhin paratë e shqiptarëve me koncesione, ndërsa njerëzit e ndershëm vuajnë, Partia Demokratik e ka një program të qartë për ndryshimin e këtij realiteti.
“PD ka një program të qartë. Ne do të sjellim ndryshimet që i duhen Shqipërisë, për një demokraci gjithëpërfshirëse. Kemi një program të qartë ekonomik dhe social, që shqiptarët të mos vuajnë më për bukën e gojës. Beteja jonë është më shumë se elektorale. Beteja jonë është për jetë a vdekje për demokracinë shqiptare,” dhe në fund të kësaj beteje sqaroi Kryetari i Partisë Demokratike:
“E pret një qeveri dhe një kryeministër që do vendosë taksa më të ulëta në funksion të një prioriteti absolut të PD, punësimin, punësimin. Kjo është masa e parë stabilizuese por kemi një vizion të plotë për ta kthyer punësimin në një realitet të prekshëm.
Duhet ta kthejmë Shqipërinë në vendin më tërheqës për investimet e huaja. Potenciali është këtu. Evropa do ketë nevojë për 2 milionë vende të reja pune. Duhet t’i japim fund korrupsionit, duhet të trajnojmë, në të gjitha fushat profesionistë.”
Për të arritur këto qëllime nuk mjafton vetëm vizioni, tha kryetari i Partisë Demokratike, Lulzim Basha, por duhet edhe vullnet, në mënyrë që tu hiqet buxheti 4-5 oligarkëve dhe për të punësuar qindra-mijëra studentë që punojnë në të zezë, ndërsa përfundoi duke u bërë të qartë të gjithë atyre që kanë frikë nga ardhja e PD në pushtet:
“Sa është fatura e abuzimit të kësaj qeverie, vitin e kaluar 1.7 mld euro. Të vetmit që duhet të kenë frikë nga ardhja e PD dhe opozitës në pushtet janë ata 4-5 oligarkë të cilëve do tua marrim ato para për tua dhënë studentëve, të rinjve shqiptarë. Unë e di që kanë frikë dhe iu them bëni mirë të keni frikë sepse kjo do të bëhet me ndihmën e Zotit, bashkimin e shqiptarëve!”
