Rama falënderon patronazhistët dhe gënjen: Punojnë për të pasur komunikim të drejtpërdrejtë me njerëzit e zakonshëm të këtij vendi!
Askush nuk ka pritur nga Kryeministri Edi Rama se do ta qortojë Grupin e Strkuturual Kriminale të patronazhistëve të Partisë Socialiste, por gjithashtu askush nuk ka pritur nga njeriu që ka çdo levë të këtij shteti se do ti falënderoj këta kriminel dhe të genjejë për llogari të tyre. Punojnë duke marrë nga koha e tyre e lirë për të pasur komunikim të drejtpërdrejtë me njerëzit e zakonshëm të këtij vendi, thotë Edi Rama për patronazhistët që raportojnë për familjet shqiptare, si jetojnë, çfarë numri celulare dhe shtëpie kanë dhe për kë votojnë jo duke komunikuar por duke marrë informacione nga dokumentat shtetërore:
“Sot ata që nuk e dinë se çfarë pune, çfarë angazhimi të padukshëm ka brenda PS, kanë zbuluar fjalën patronazhist, dhe e sjellin vërdallë e vërdallë, duke e deformuar kuptimin e saj. Për faktin se ata nuk e dinë se PS, është një familje ku të angazhuarit brenda familjes punojnë. Punojnë vullnetarisht, pas pune, pas shkolle, punojnë duke marrë nga koha e tyre e lirë për të mbuluar territorin shpirtëror të këtij vendi. Për të pasur komunikim të drejtpërdrejtë me njerëzit e zakonshëm të këtij vendi. Sepse beteja e përditshme e PS është beteja për të fituar mendjet dhe zemrat e njerëzve,” thotë Edi Rama para të rinjëve durrsak votues për herë të parë, duke folur për mënyrën e futjes së familjeve shqiptare të patronazhistëve socialistë duke ngatërruar faktin nëse dikush çuditet me metodat e tij kriminale:
“Pastaj çuditen, sepse shkojnë dhe zbresin në fushën e lojës me atë gafurrjen të dikujt që mendon dhe që beson e kujton se i takon fitorja dhe se është i fituar. Kur hyn në fushën e lojës me ne, fillojnë dhe kuptojnë që nuk është kaq e lehtë. Kur bie bilbili dhe shohin rezultatin është 74 deri ne 78.”
Dhe, pasi promovon punën kriminale të patronazhistëve, i bënë thirrje të rinjëve të mos lënë asnjë derë pa trokitur:
“Natyrisht për gjerat që kemi bërë, për besimin, dhe bindjen e shumicës së shqiptarëve se PS është e vetmja forcë që çon në majë vendin, edhe për faktin se PS nuk është Edi Rama, apo disa ministra apo disa deputetë që për shkak të detyrës dhe pozicionit janë të ekspozuar në sytë e njerëzve. PS është një rrjet i organizuar mendjesh dhe zemrash që janë në të gjithë Shqipërinë. Rezultati për PS, për të cilin sot e shihni dhe hapin sytë kur unë ua them në ballafaqimet meditike është rezultati i angazhimit të secilit prej jush, nga veriu në jug, nga linda në perëndim. Për këtë unë ju jam, të gjithë mirënjohës, të gjithë patronazhistëve, aktivistëve të PS. Pasi fitorja jonë, është një fitore që krijohet nga puna dhe angazhimi i tyre. Ju bëj thirrje që mos lini asnjë derë pa trokitur.”
