Rama i frikësuar, ndryshimi i agjendës, dhe vendosmëria e kuksianve

Këto ditë, ndonëse tinëz, drejtorë dhe administrata e emëruar dhe e përdorur politikisht nga Gjici dhe Partia Socialiste në Kukës, të gjetur në faj dhe pa kurajo ballafaqimi me qytetarët planifikojnë në fshehtësi të plotë një panair punësimi në Kukës, ku u është thënë se do të marrë pjesë edhe kryeministri Rama.

A thua çdo të thonë kuksianët për një vizitë tuajën z.Rama në Kukës , kur:

Ju z. Kryeministër akoma nuk keni shlyer fajin që keni bërë ndaj kuksianëve, pranuar publikisht para shqiptarëve, duke penguar lëvizjen e lirë dhe hequr barazinë e kuksianëve me qytetarët e tjerë të Shqipërisë, ku me fajin e tuaj dhe për fajin tuaj përplaset qytetarët me policinë me 31 Mars.

Akoma katër kuksianët e burgosur politikisht janë në burg.

Nuk i është kthyer përgjigje peticionit të 49 këshilltarëve të Kukësit, Hasit dhe Tropojës për zerimin e taksës në Rrugën e Kombit.

Mendja juaj e mbrapshtë kujton se do i bindë banorët e Kukësit dhe më gjerë që të paguajnë taksën e padrejtë të rrugës.

Pasuritë tona mbi e nën tokësore po i shfrytëzon për pasurimin e oligarkëve të tu qeveritarë (e thënë troç hajnave tuaj).

Rajoni i Kukësit është kthyer në një “burg të madh”, rrethuar në njërën anë dogana e Morinit, në anën tjetër dogana e konçensionit tuaj në Rrugën e Kombit, aeroporti që s’funksionoi asnjë ditë dhe dera e mbyllur e administratës tuaj për të zgjidhur problemet e shumta
Ndaj nga ky “burg” po arratisen drejt perëndimit çdo ditë me dhjetëra të rinj me arsim të lartë që s’po gjejnë punë as si kamarier.
Sa për punësimin në Kukës e dinë dhe e prekin të gjithë; familjet e varfra, të rinjtë e papunë, bizneset që po mbyllën çdo ditë.

Janë me dhjetëra probleme të shkaktuara nga ju dhe qeverisja juaj në Kukës, z.Kryeministër, ndaj mos planifikoni vizita të fshehta në qytetin tonë, por para se të planifikoni të vizitoni Kukësin deklaroni:

1-Heqjen me Vendim Qeverie të taksës në Rrugën e Kombit.

2-Ndalimin e paligjshëm dhe lirimin e menjëhershëm të katër të burgosurve politik që mbahen në qeli .

Nëse i realizoni këto mund të mos e ndryshoni vizitën në Kukës “për arsye agjende”, ndonëse në Kukës dhe nga kuksianët asnjëherë nuk do të gjesh mbështetje as ti as oligarkët e tu.