Rama: Kemi një datë për hapjen e negociatave, do zgjidhim problemet me Greqinë…
Kryeministri Edi Rama e ka cilësuar vendimin e marrë në qershor për Shqipërinë nga këshilli i Ministrave të Jashtëm të BE-së si pozitiv. Në një konferencë të përbashkët me Presidentin e Këshillit Europian, Donald Tusk, Rama theksoi se Shqipëria ka një datë për të hapur negociatat formalisht.
Nga ana e tij, Tusk shprehu bindjen se Shqipëria do të angazhohej për çeljen e negociatave vitin tjetër.
“Faleminderit z. President. Dua të shpreh pikëspari mirënjohjen time për t’u siguruar që vendimi i Këshillit në qershor ishte një vendim pozitiv. E di që nuk ishte e lehtë, por në fund është shumë e rëndësishme që tani Shqipëria ka një datë për të hapur negociatat formalisht dhe ka dhe dritën e gjelbër për të filluar punën përgatitore që zakonisht është ajo që ndodh pas hapjes së negociatave. Kjo ka qënë vërtet një zgjidhje shumë e mirë dhe dëshiroj edhe njëhërë t’ju shpreh mirënjohejn tonë të plotë.
Së dyti, ka shumë rëndësi për ne të futemi në këtë proces dhe gjatë këtyre 12 muajve të punojmë fort për të arritur rezultate të mira, me qëllim që kur të futemi formalisht në negociata, të kemi fituar kohë dhe të ecim më shpejt. Në këtë drejtim do të mriëpresim komisionarin hahn javën që vjen në Tiranë për t’u ulur me të gjithë aktorët e ëprfshirë në këtë proces shumë të madh analizitik në kuadër të punës përgatitore.
Së treti, jemi përsëri shumë të angazhuar ndaj rrugës evropiane, ndaj zgjidhjes së problemeve të vjetra me fqinjët e jugut dhe siç ju thatë kemi bërë progres të mirë dhe shpresojmë se do ta përfundojmë me sukses këtë dialog të vështirë, por të sinqertë të hapur siç jemi të angazhuar ndaj bashkëpunimit ndaj bashkëpunimit dhe stabiliteti rajonal ku ka ende shumë për të bërë.
Ne mbështetemi tek udhëheqja juaj tek të gjithë ju në Bruksel dhe për të arritur të gjitha rezultatet e nevojshme në këtë kohë shumë intensive dhe shumë të qënësishme për ne. Dhe dua të them më vjen keq për Poloninë që humbi në kampionatin botëror”, tha Rama.
