Rama-McGonigal në lavazhin Euronews!
nga Agim Popoci
Intervista e ish-të dashurës së zyrtarit të lartë të FBI, Charles McGonigal, nuk ia arriti qëllimit në Euronewsin e Qet Kastratit, ndonëse u mundua ta spostoj Kryeministrin Edi Rama larg këtij skandali për të cilin Allison Guerriero tha se nuk kishte detaje!
Ndoshta për strategët mediatikë shqiptarë, intervista e një të dashureje që me denoncimin e saj ka çuar në pranga zyrtarin e lartë të FBI, mund të quhej dëshmi bindëse në një vend ku historianët heshtin për krimet komuniste dhe flasin truprojat e nomenklaturës, por, gjërat ndryshuan për shkak të një detaji jo të vogël, kemi të bëjmë me sigurinë kombëtare të Amerikës dhe jo vetëm marrëzitë e Edi Ramës!
Ç’është e vërteta, disa nga gjërat që Guerriero tha ngjitën edhe te kundërshtarët politikë të Edi Ramës, por, asnjë shqiptarë normal nuk u bind se gjithçka mund t’i lihej në dorë denoncimit të një të dashure të zemëruar, aq më shumë që edhe vetë e pranoj se ishte pijedashëse!
Nuk dihet nëse Allison Guerriero ishte në dijeni se po bëhet pis duke hyrë në ekranin e Qetit, por, ajo nuk arriti ta pastrojë as figurën e saj, as të Kryeministrit Edi Rama dhe aq më pak Agron Nezës!
Allison Guerriero tha se e kishte denoncuar zyrtarin e lartë të FBI, Charles McGonigal, për tradhti ndaj SHBA, asaj dhe gruas, por edhe ajo e kishte të qartë si në rastin e denoncimit tek shefi i të dashurit ashtu dhe rrëfimit te ekrani i Qetit, se një email i shkruar në gjendje të dehur as nuk ka qenë, as nuk do të jetë provë në Gjykatë kundër njeriut të dytë të FBI!
Madje edhe gruas së tij i kërkoj falje, së cilës gjithashtu i kishte shkruar në gjendje të dehur!
Normalisht se ky tradhtar i SHBA është vëzhguar dhe çdo shkelje ligjore është konfirmuar deri sa ra në pranga, por, kjo nuk ishte ajo që i intereson Edi Ramës dhe elektoratit të tij!
Denoncimi në gjendje të dehur dhe reduktimi i dollarëve gjithandej në një qese me para, siç e tha Guerriero, dhe, nuk kishte parë më para të tjera, për Edi Ramën dhe Fugën e tij, mjaftuan për tu bindur se i hodhën hi syve të shqiptarëve se ato që kishin dalë në mediat amerikane dhe jo vetëm, ishin fjalë të një pijaneceje, që u përsëritën dhe 4 herë gjatë intervistës!
Por, ky impiant propagandistik që ka filluar të dorëzojë para drejtësisë zyrtarët e lartë të shtetit shqiptarë, vetëm për të shpërqendruar vëmendjen nga “Skandali Rama-McGonigal”, deri në arrestimin, nëse është nevoja edhe të Olsi Ramës, shpërfillën një detaj: Realitetin; I cili, ndërkohë që po zhvillohej gjithë kjo dramë përmes investigimit amerikan, shumëçka ndryshoi në thelb, dhe të cilin tashmë nuk e ndryshojnë as me mediat që kanë në dispozicion, as me SPAK-un e tyre dhe as me paratë që më nuk u pinë ujë!
Allison Guerriero mund të thotë tre herë në ditë te Eurnewsi i Qetit se nuk e njehë Agron Nezën, por ky sigurims ordiner shqiptarë do të përgjigjet për paratë që i kishte dhënë në një parking amerikan zyrtarit të lartët të FBI sepse është vëzhguar, ashtu siç është vëzhguar gjatë të gjitha takimeve që ka zhvilluar në Shqipëri, Kosovë e Mal të Zi!
Gjithashtu, ajo tre herë në ditë mund të vazhdoj të thotë, siç tha mbrëmë në Euronews, se nuk e njehë Edi Ramën dhe nuk i dinë detajet e bisedës, përveç se McGonigal fliste me Edi Ramën me Viasat, por, për zbardhjen e të vërtetës nga FBI nuk ka kurrfarë rëndësie se çfarë tha, ose çfarë thotë ajo!
E dehur ose esull, sot dhe tutje ajo mund të dëgjoj si çdo amerikan tjetër se çfarë ka bërë i dashuri i saj Charles McGonigal i cili shpërdoroi gjithë atë besim që i kishte dhënë shteti amerikan, sepse një hallkë i është ngatërruar dhe bashkëbiseduesit të tij në Viasat!
Siç e ka blerë një zyrtar të lartë të FBI, Edi Rama mund të blinte edhe ndonjë Gjykatës dhe nga ana tjetër Baba Soros mund t’ia zgjidhë çështjen edhe në Senat me demokratët, por, çështja është tashmë në Kongres! Aty, ku Kryeministri Edi Rama ishte i dyshimtë që me shpalljen “non grata” të Ish-Presidentit të Shqipërisë, Sali Berisha.
A mund të futen në punë edhe lavazheri tjera, dhe cili është halli real i Kryeministrit Edi Rama?!
Shumë gjëra mund të mos bëhen publike si me përfundimin e procesit gjyqësor ashtu dhe epilogu i Komisionit Hetimor që u ngrit në Kongresin Amerikan për veprimtarinë kriminale të Charles McGonigal; Ndoshta Kryeministri Edi Rama kurrë nuk do të jap llogari as për blerjen e “Sali Berishës Non Grata” dhe as pse përdori linjën Viasat kur ajo i shërben vetëm Shërbimit të Inteligjencës Shqiptare, por, Edi Rama do ta paguaj shtrenjtë pse i shërbeu oligarkut rus Oleg Deripaska, jo vetëm pse është mik i Presidentit të Rusisë, Vladimir Putin, por, sepse është, armik i Amerikës!
