Rama: Nëse zgjedhjet zhvillohen të dielën, i fiton PS! Basha: Është në panik dhe i kapur…

Nëse zgjedhjet do të zhvilloheshin të dielën, ato i fiton PS. Kështu u shprehë Kreministri Edi Rama në një dalje publike, të cilën Kryetari i Partisë Demokratike, Lulzim Basha e vlerëson si deklaratë të një njeriu në panik dhe të kapur në flagrancë ndërsa siguron se opozita do i fitojë thellë zgjedhjet dhe shqiptarëve do ju kthejë shpresën për të nesërmen

“Ne kemi 2 vjet që kërkojmë zgjedhje të parakohshme, dogjëm mandatet për to, pse nuk i bëri ai? Pse ky njeri që kontrollon buxhetin, paratë e pista donte të merrte edhe komisionerët e opozitës? Pse hodhi në erë paktin e shkruar në Rezidencën e Ambasadës amerikane të përshëndetur nga ndërkombëtarët duke i mbyllur derën e nisjes së negociatave nëse i dilnin sondazhet në rregull? Këto janë deklaratat e një njeriu në panik dhe të kapur në flagrancë. Edi Rama ka mbaruar,” tha lideri i Opozitës së Bashkuar i cili nuk ka dilema se do i fitojë thellë zgjedhjet:

“Opozita do ti fitojë thellë zgjedhjet dhe do ta përdore këtë fitore  për ti kthyer cdo shqiptari shpresën dhe sigurinë për të nesërmen. Për këtë ditë për ditë po bëjmë detyrën tonë, jo vetëm duke denoncuar por edhe duke treguar rrugën e vështirë për të mundshme për rikthimin e Shqipërisë në duart e shqiptarëve dhe jo në duart e një bande që i ka ditët e numëruara”, tha Lulzim Basha i cili për dallim nga Edi Rama, shqetësim kryesor ka qytetarët ndërsa përfundoi:

“Shqetësimi kryesor i imi sot, nesër dhe pas 25 prillit do të jetë shqetësimi i shqiptarëve. Në funksion të kësaj nuk do të kursej asnjë thirrje apo lëvizje që do ta ndihmonte situatën. Nëse zgjedhjet do të ishin mbajtur në 2019 atëherë kur ne dogjëm mandatet, rruga e të keqes do të ishte shkurtuar. Sa më shpjet të shkurtohet rruga e vuajtjes së shqiptarëve aq më mirë do të jetë për të gjithë. Detyrat janë të përcaktuara dhe unë detyrën time si kryetar i opozitës do ta bëj me një gjë në mendje, interesin e shqiptarëve të thjeshtë. Unë do të mirëpres dhe çdo hap që ja shkurton ditët së keqes”.