Rama po e kërcënon Veliajn, Berisha në parlament: Po i ndodhi gjë, do përgjigjet personalisht!
Kryetari i Partisë Demokratike, Sali Berisha, ka paralajmëruar Edi Ramën nga foltorja e parlamentit se po i ndodhi gjë në qeli Erion Veliajt apo Ajola Xoxës, do të jetë ai që do të përgjigjet personalisht.
“Kërkoj rikthimin urgjent të Edi Ramës në parlament dhe të ndërpresë çdo lloj presioni, çdo lloj forme presioni ndaj të burgosurit Erion Veliaj, të cilin urdhëroi ta dërgojnë në Durrës në mënyrë që ta trajtojë Xhevdet Troplini.
Xhevdet Troplini u dërgua atje për t’u kërcënuar në mënyrë që po mbylli gojën, do pësojë këtë dhe atë.
Garantoj se gjëja më e vogël po ndodhi në këtë proces, do përgjigjet personalisht Edi Rama, qoftë ndaj Velisë, qoftë ndaj Velicës, ndaj prokurorëve, ndaj gjykatësve,” tha Sali Berisha ndërsa paralajmëroj se ky tërbim, kjo frikë e tmrrshme, ky shkallmim që ka kapur Edi Ramën është shumë e rrezikshme për momentin për vendin.
Ndërsa bëri të ditur se Edi Rama ka fshirë fotot me Alex Soros, Yuri Kim dhe Antony Blinken, ai kërkoi që parlamenti të miratoi Ligjin për ndalimin e të gjitha organizatave sorosiane
“Ligji për ndalimin e çdo veprimtarie të George Sorosit në Shqipëri dhe fondacionit të tij, e ndalimit të të gjitha organizatave sorosiane që të kenë çfarëdolloj bashkëpunimi me institucionet shtetërore, është një emergjencë. Duhet të sillet këtu dhe të votohet.”
Deklaratë:
Kërkoj rikthimin urgjent në parlament të padrinos, i cili po shkon në Durrës për t’i dërguar Pojën, Troplinin në qeli Erion Veliajt.
Vazhdoj me kërkesën time të prerë që Edi Rama të kthehet urgjent në parlament dhe të ndërpresë çdo lloj presioni, çdo lloj forme presioni ndaj të burgosurit Erion Veliaj, të cilin urdhëroi ta dërgojnë në Durrës në mënyrë që ta trajtojë Xhevdet Troplini.
Xhevdet Troplini u dërgua atje për t’u kërcënuar në mënyrë që po mbylli gojën, do pësojë këtë dhe atë.
Garantoj se gjëja më e vogël po ndodhi në këtë proces, do përgjigjet personalisht Edi Rama, qoftë ndaj Velisë, qoftë ndaj Velicës, ndaj prokurorëve, ndaj gjykatësve.
Sepse ky tërbim, kjo frikë e tmrrshme, ky shkallmim që ka kapur Edi Ramën është shumë e rrezikshme për momentin për vendin.
Ky i papërgjegjshëm është i gatshëm të ndërmarrë çdo akt pasi vetë ka marrë fund përfundimisht.
Le t’i fshijë 100 herë fotot e Aleksis Soros, Juri Kim apo Antoni Blinken nga mediat e tij se tregon se vetëm se është një sfaçato, se ato i ka në zemër dhe është i damkosur në mënyrë përfundimtare si kukull e Sorosit.
Dhe mendoni ju se do paguajnë shqiptarët, do paguajnë për kukullën e Sorosit?
Zonjë, ligji për ndalimin e çdo veprimtarie të Xhorxh Sorosit në Shqipëri dhe fonacionit të tij, e ndalimit të të gjitha organizatave sorosiane që të kenë çfarëdolloj bashkëpunimi me institucionet shtetërore, është një emergjencë.
Duhet të sillet këtu dhe të votohet.
Përndryshe ku është Klotilda që ankohej për prokurorin?
Ja sa ka lënë prokurori pa futur në dosje për Velicën.
Se Velica, po të futeshin edhe këto që i ka përjashtuar prokurori, ia kalonte edhe Lajla Asadit.
Lajla shkoi në Moskë, atje ia numëruan dhe i doli 1 milion euro garderoba.
Velicës i doli gardëroba 867 mijë euro. Po këto nuk i ka futur prokurori o ish-pastor. Ja ku i ke.
