Rama pritet me protesta, kryetari i PD Kukës, Rexhmati: Mori urrejtjen që mbolli për kuksianët!

Qytetarët e Kukësit e kanë pritur me protesta kryeministrin Edi Rama.

“Rama ik, Rama ik, Turp, turp, turp,” ishin thirrjet e qindra qytetarëve kuksianë që ishin mbledhur në shesh duke protestuar kundër Edi Ramës dhe taksave të tij; Ndërkohë në drejtim të eskortës së kryeministrit kanë hedhur dhe flakadanë.

Është dashur ndërhyrja e forcave të shumta të policisë, të cilët nuk kanë lejuar turmën t’i afrohet kryeministrit.

Me këtë rast kryetari i Partisë Demokratike Kukës, Arif Rexhmati thekson se Edi Rama mori me vete urrejtjen që mbolli për kuksianët:

“Si hajdut që është erdhi natën në Kukës, por mori me vete urrejtjen që mbolli për kuksianët. Ne jemi luanë të lirë, shimpaze në kopësht zoologjik është Rama, ofezat për Kuksin dhe kuksianët iu kthyen mbrapsht,” tha Rexhmati ndërkoh protestuesit edhe pas sulmeve barabare të policisë vazhduan me protestën duke theksuar se kreu i qeverisë nuk duhet të shkonte në
Kukës ndërsa e akuzuan mes të tjerash për taksën e Rrugës së Kombit.

Për “mikëpritjen” e kuksianëve ka reaguar edhe Nënkryetari i PD, Edi Paloka duke theksuar se Rama shkoi gjysëm ilegalisht në Has dhe më pas, shkoi dhe në Kukës, i rrethuar me police dhe forcat speciale të armatosura, gjë që është në kundërshtim me ligjin:

“Pasi ju vuri traun në rrugë, i burgosi dhe kërkoi ti poshtrojë, sot mori guximin të shkoj në Kukës. Mblodhi në një salle gjithë administratën për të treguar që kuksianët jo vetëm e kanë falur por ka dhe nga ata që e duartrokasin. Por kuksianët e vërtetë e pritën siç e meriton,” thekson Nënkryetari i PD, Edi Paloka përmes rrjetit social Facebook duke përfunduar:

“Ja thane fytin trimit!”