Rama pritet me protesta në Shkodër, ja ç´ka ndodhur…

Të rinjtë e FRPD dhe simpatizantë të Partisë Demokratike protestuan sot në sheshin “Nënë Tereza” në qendër të Shkodrës kundër Kryeministrit Edi Rama, i cili kishte zgjedhur këtë qytet për zhvillimin e mbledhjes së përbashkët mes qeverisë shqiptare dhe asaj malazeze.

Protestuesit u përplasën me kordonin e policisë,i vendosur për të ndalur protestuesit.

Kreu i FRPD Shkodër Arvit Bushati dënoi dhunën e policisë, ndërkohë që, sipas tij, protesta po zhvillohej në mënyrë paqësore ndaj një kryeministri që sipas tij, e ka kthyer vendin në një pronë të vet dhe familjes së tij.

Kjo nuk është hera e parë që të rinjtë demokrat protestojnë ndaj kryeministrit Edi Rama i cili sa herë që viziton Shkodrën përballet me irritimin e tyre.